കേന്ദ്രസർക്കാർ പാവങ്ങൾക്കൊപ്പം -കെ. സുരേന്ദ്രൻ

തിരുവനന്തപുരം: ജൂൺ 21 മുതൽ 18 വയസ്സിന് മുകളിലുള്ള എല്ലാവർക്കും സൗജന്യ വാക്​സിൻ പ്രഖ്യാപിച്ച പ്രധാനമന്ത്രി നരേന്ദ്ര മോദി കേന്ദ്രസർക്കാർ പാവങ്ങൾക്കൊപ്പമാണെന്ന് തെളിയിച്ചെന്ന് ബി.ജെ.പി സംസ്ഥാന പ്രസിഡൻറ്​ കെ. സുരേന്ദ്രൻ. എല്ലാ സംസ്ഥാനങ്ങൾക്കും സൗജന്യ വാക്​സിൻ അനുവദിച്ചതോടെ വാക്​സിനേഷൻ പ്രവർത്തനങ്ങൾക്ക് വേഗം കൂടും. പ്രധാൻമന്ത്രി ഗരീബ് കല്യാൺ അന്ന യോജനക്ക് കീഴിലുള്ള 80 കോടി കുടുംബങ്ങളുടെ സൗജന്യ റേഷൻ ദീപാവലി വരെ തുടരുന്നതിലൂടെ രാജ്യത്തെ ജനങ്ങളോടുള്ള മോദിയുടെ പ്രതിബദ്ധത വ്യക്തമായെന്നും സുരേന്ദ്രൻ പറഞ്ഞു.