സി.എം.പി കുടുംബ സത്യഗ്രഹം നടത്തി

തിരുവനന്തപുരം: കോവിഡ് ബാധിച്ച്​ മരിച്ചവരുടെ ആശ്രിതർക്ക് 10 ലക്ഷം രൂപ നഷ്​ടപരിഹാരം നൽകുക, വാക്സിനേഷൻ യുദ്ധകാലാടിസ്ഥാനത്തിൽ പൂർത്തീകരിക്കുക, കോവിഡ് ദുരന്ത നിവാരണ കമീഷൻ രൂപവത്​കരിക്കുക തുടങ്ങിയ ആവശ്യങ്ങളുന്നയിച്ച് സി.എം.പി കുടുംബ സത്യഗ്രഹം നടത്തി. സംസ്ഥാന ജനറൽ സെക്രട്ടറി സി.പി. ജോൺ ചെറുവത്തൂരിലെ വസതിയിലും അസി. സെക്രട്ടറി എം.പി. സാജു കണ്ണമ്മൂലയിലെ വസതിയിലും ജില്ലാ സെക്രട്ടറി എം.ആർ. മനോജ്‌ ജഗതിയിലെ വസതിയിലും സത്യഗ്രഹം നടത്തി. വനിത ഫെഡറേഷൻ ജില്ലാ പ്രസിഡൻറ് വി.കെ. രേണുക, ജില്ല സെക്രട്ടറി വി.ആർ. സിനി, കെ.എസ്.വൈ.എഫ് ജില്ല പ്രസിഡൻറ് രഞ്ജിത്, ജില്ല സെക്രട്ടറി കീഴ്പ്പാലൂർ ഷാജി തുടങ്ങിയവർ സ്വവസതികളില​ും സത്യഗ്രഹം നടത്തി.