'സ്വകാര്യ ഉടമകളും വാടക ഒഴിവാക്കണം'

കൊല്ലം: ലോക്ഡൗൺ സാഹചര്യത്തിൽ സർക്കാർ, അർധ സർക്കാർ ഉടമസ്ഥതയിലുള്ള, പ്രവർത്തിക്കാൻ സാധിക്കാത്ത സ്ഥാപനങ്ങളുടെ വാടക ഒഴിവാക്കിയതിന്​ സമാനമായി സ്വകാര്യ കെട്ടിട ഉടമകളും കടകളുടെ വാടക ഒഴിവാക്കണമെന്ന്​ കേരള വ്യാപാരി വ്യവസായി ഏകോപന സമിതി. മലപ്പുറം, പാലക്കാട് ജില്ലകളിലെ കെട്ടിട ഉടമകളുടെ സംഘടന അതിന് തയാറായിട്ടുണ്ട്. മറ്റ്​ ജില്ലകളിലും ഇത്​ പിന്തുടരണമെന്ന്​ സമിതി സംസ്ഥാന ജനറൽ സെക്രട്ടറി രാജു അപ്സര ആവശ്യപ്പെട്ടു.