ഭീമ ജ്വല്ലറി ഉടമയുടെ വീട്ടിലെ മോഷണം: പ്രതിക്കായി അന്വേഷണം തുടരു​ന്നെന്ന്​ പൊലീസ്​

തിരുവനന്തപുരം: ഭീമ ജ്വല്ലറി ഉടമ ബി. ഗോവിന്ദ​ൻെറ വീട്ടില്‍ നടന്ന മോഷണവുമായി ബന്ധപ്പെട്ട്​ പ്രതിക്കായുള്ള അന്വേഷണം തുടരുകയാണെന്ന്​ പൊലീസ്. മോഷ്​ടാവി​ൻെറ സി.സി.ടി.വി ദൃശ്യങ്ങൾ ലഭിച്ചിട്ടുണ്ട്​. അത്​ സാ​േങ്കതിക പരിശോധനക്ക്​ വിധേയമാക്കി പ്രതിയെ കണ്ടെത്താനുള്ള നടപടികളാണ്​ നടക്കുന്നതെന്ന്​ മ്യൂസിയം പൊലീസ്​ പറഞ്ഞു. നിലവിൽ ഒരാൾ മാത്രമാണ്​ കൃത്യത്തിൽ ഏർപ്പെട്ടതെന്നാണ്​ പൊലീസി​ൻെറ വിലയിരുത്തൽ. മോഷ്​ടാവി​ൻെറ കൈയിൽ ടാറ്റൂ പതിച്ചിട്ടുള്ളതായി കണ്ടെത്തിയിട്ടുണ്ട്​. ഇത്​ അന്വേഷണത്തിന്​ സഹായകമാകുമെന്നാണ്​ പ്രതീക്ഷയെന്നും പൊലീസ്​ പറഞ്ഞു. ഭീമ ജ്വല്ലറി ഉടമയുടെ കവടിയാറിലെ വീട്ടില്‍ ബുധനാഴ്​ച പുലർച്ചെയാണ് മോഷണം നടന്നത്. മൂന്ന്​ ലക്ഷം രൂപയുടെ സ്വര്‍ണവും രണ്ടരലക്ഷം രൂപയുടെ വജ്രവും 60,000 രൂപയുമാണ്​ മോഷണം പോയത്​. വന്‍ സുരക്ഷാ സന്നാഹങ്ങള്‍ മറികടന്നായിരുന്നു കവര്‍ച്ച. ധാരാളം ജീവനക്കാരും നായ്​ക്കളുമുള്ള വീട്ടിലാണ്​ മോഷണം നടന്നതെന്നതാണ്​ അദ്​ഭുതകരം. ഇതെല്ലാം മറികടന്ന് എങ്ങനെയാണ് കവർച്ച നടത്തിയതെന്നാണ് പൊലീസിനെ കുഴക്കുന്നത്​. മ്യൂസിയം പൊലീസ്​ കേസ്​ രജിസ്​റ്റർ ചെയ്​താണ്​ അന്വേഷണം നടത്തുന്നത്​. വൻസുരക്ഷ സംവിധാനങ്ങൾ ഉൾപ്പെടെ മറികടന്നാണ്​ മോഷണം നടന്നത്​. കവടിയാറിലെ അതിസുരക്ഷ മേഖലയിലാണ് വീട്. വീടി​ൻെറ വാതിലോ ജനാലകളോ മോഷ്​ടാവ്​ തകര്‍ത്തിട്ടില്ല. സമീപത്തെ ഏതെങ്കിലും വീടി​ൻെറ മുകളില്‍ കയറി ജ്വല്ലറി ഉടമയുടെ വീടിലേക്ക് കടന്നതായാണ് നിഗമനം. വീടിന്​ പിന്‍വശത്തായി ഉള്ളിലേക്ക് തുറക്കാവുന്ന ഡോര്‍വഴി മോഷ്​ടാവ് അകത്തുകടന്നെന്നാണ് വിലയിരുത്തൽ. വിരലടയാള വിദഗ്ധർ സ്ഥലത്തെത്തി പരിശോധന നടത്തി. മോഷ്​ടാവി​ൻെറ ദൃശ്യങ്ങള്‍ സി.സി.ടി.വിയില്‍ പതിഞ്ഞിട്ടുണ്ട്​. ഗോവിന്ദ​ൻെറ മകള്‍ക്ക് വ്യാഴാഴ്ച ബംഗളൂരുവിലേക്ക് കൊണ്ടുപോകാനായി തയാറാക്കി​െവച്ചിരുന്ന ബാഗില്‍ സൂക്ഷിച്ചിരുന്ന ബ്രേസ്‌ലെറ്റും മോതിരവും കമ്മലുമുൾപ്പെടെയാണ്​ കവര്‍ന്നത്. രാജ്ഭവന് സമീപമുള്ള സുരക്ഷ മേഖലയില്‍ ഉയര്‍ന്ന മതിലും സെക്യൂരിറ്റി ജീവനക്കാരും ഗ്രേറ്റ് ഡെയ്ന്‍ ഉള്‍പ്പെടെ ഒന്നിലേറെ നായ്ക്കളുമുള്ള വീട്ടിലാണ്​ മോഷണം നടന്നത്​. അതിനാൽ വീട്ടിലുള്ളവരുടെ ആരുടെയെങ്കിലും സഹായത്തോടെയാകാം മോഷണം നടന്നതെന്ന സംശയവുമുണ്ട്​. മറ്റ്​ സാധനങ്ങളൊന്നും മോഷണം പോകാത്തതും പൊലീസിനെ കുഴക്കുന്നുണ്ട്​. ദിവസങ്ങൾക്കുള്ളിൽ പ്രതിയെ പിടികൂടാനാകുമെന്ന പ്രതീക്ഷയിലാണ്​ പൊലീസ്​.