Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightകുട്ടികൾ പ്രകൃതിയെയും...

കുട്ടികൾ പ്രകൃതിയെയും മണ്ണിനെയും സ്നേഹിച്ചുവളരണം ^ സുഗതകുമാരി

text_fields
bookmark_border
കുട്ടികൾ പ്രകൃതിയെയും മണ്ണിനെയും സ്നേഹിച്ചുവളരണം - സുഗതകുമാരി തിരുവനന്തപുരം: നല്ല മനുഷ്യരാകാനും പ്രകൃതിയെയും മണ്ണിനെയും സ്നേഹിച്ചുവളരാനും കുട്ടികൾക്കാകണമെന്നും ജീവിത വിജയത്തിനായി സ്നേഹം എന്ന അടിസ്ഥാന മന്ത്രം കൈമുതലായി എന്നും സൂക്ഷിക്കണമെന്നും കവി സുഗതകുമാരി. കേരളപ്പിറവി വാരാഘോഷത്തി​ൻെറ ഭാഗമായി തൈക്കാട് ഗവ.മോഡൽ ബോയ്‌സ് ഹയർ സെക്കൻഡറി സ്കൂളിൽ ഒരാഴ്ചയായി സംഘടിപ്പിച്ചുവന്ന ഓൺലൈൻ സർഗോത്സവത്തി​ൻെറ സമാപന സമ്മേളനവും സർട്ടിഫിക്കറ്റ് വിതരണ ചടങ്ങും ഉദ്‌ഘാടനം ചെയ്യുകയായിരുന്നു അവർ. മഹാമാരിയുടെ ഈ കാലത്ത്​ സ്കൂളിൽ പോകാനാകാതെ വീടുകളിൽ അടയ്ക്കപ്പെട്ടിരിക്കുന്ന കുഞ്ഞുങ്ങളുടെ മനസ്സിന് കുറച്ചെങ്കിലും ആശ്വാസം പകരാൻ ഇത്തരം ഓൺലൈൻ സർഗോത്സവങ്ങൾക്ക് കഴിയുമെങ്കിൽ അത് സന്തോഷകരം തന്നെ. ത​ൻെറ ആരോഗ്യം വളരെ മോശമായ അവസ്ഥയിലാണ്. ആരെയും കാണാൻ ഡോക്ടറുടെ അനുവാദമില്ല. എങ്കിലും ഓൺലൈനായെങ്കിലും കുഞ്ഞുങ്ങളുടെ സന്തോഷത്തിൽ പങ്കുചേരാനായത് സന്തോഷം തന്നെയെന്നും സുഗതകുമാരി പറഞ്ഞു. സമാപന സമ്മേളനത്തിൽ പി.ടി.എ പ്രസിഡൻറ് കെ. ഗോപി അധ്യക്ഷത വഹിച്ചു. പ്രിൻസിപ്പൽ എം.പി. ഷാജി, ഹെഡ്മാസ്​റ്റർ ഷിബു പ്രേംലാൽ, സ്​റ്റാഫ് സെക്രട്ടറി ജെ.എം. റഹീം, ലീന.കെ.എസ്, ഷിബു.ആർ, പ്രേമജ .എ, പ്രീത .ബി.സി, ഷബീന ജാസ്മിൻ.ടി.ആർ , ജോളി.കെ.ഇ തുടങ്ങിയവർ സംസാരിച്ചു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story