'വിദ്യാഭ്യാസം വികസനത്തി‍​െൻറ നാള്‍വഴികള്‍' പ്രകാശനം ചെയ്തു

'വിദ്യാഭ്യാസം വികസനത്തി‍​ൻെറ നാള്‍വഴികള്‍' പ്രകാശനം ചെയ്തു നെടുമങ്ങാട്: വിദ്യാഭ്യാസ മേഖലയിലെ സമഗ്ര പുരോഗതി ലക്ഷ്യമിട്ട് നെടുമങ്ങാട് നഗരസഭ അക്കാദമിക് കൗണ്‍സില്‍ നടപ്പാക്കിയ പദ്ധതികളുടെ വിവരങ്ങളടങ്ങിയ കൈപ്പുസ്തകം 'വിദ്യാഭ്യാസം വികസനത്തി‍​ൻെറ നാള്‍വഴികള്‍' പ്രകാശനം ചെയ്തു. മന്ത്രി കെ.ടി. ജലീല്‍ മഞ്ച ബോയിസ് വൊക്കേഷനല്‍ ഹയര്‍ സെക്കൻഡറി സ്കൂളിലെ അസിസ്​റ്റൻറ്​ പ്രിന്‍സിപ്പല്‍ എം.ജെ റസീനക്ക്​ കൈപ്പുസ്തകം കൈമാറി പ്രകാശനം നിര്‍വഹിച്ചു. പൊതു വിദ്യാഭ്യാസ സംരക്ഷണ യജ്ഞത്തി‍​ൻെറ ഭാഗമായി നെടുമങ്ങാട് നഗരസഭ അക്കാദമിക് കൗണ്‍സിലും വിദ്യാഭ്യാസ സ്​​റ്റാൻഡിങ്​ കമ്മിറ്റിയും ഉന്നത വിദ്യാഭ്യാസത്തിന് ഉതകുന്ന വ്യത്യസ്തങ്ങളായ വിവിധ പദ്ധതികളാണ് ആവിഷ്കരിച്ചത്. നഗരസഭയിലെ അധീനതയിലുള്ള എല്ലാ സ്കൂളുകള്‍ക്കും ഹൈടെക് നിലവാരത്തിന് അനുയോജ്യമായ സൗകര്യങ്ങള്‍ സജ്ജീകരിച്ചു. സ്മാര്‍ട് ക്ലാസ് മുറികളും കമ്പ്യൂട്ടര്‍ ഇൻറര്‍നെറ്റ് കണക്ഷനുകള്‍ക്ക്​ വേണ്ടിയുള്ള സൗകരങ്ങളും ഒരുക്കി. പരീക്ഷ വിജയങ്ങളില്‍ പിന്നാക്കം നിന്ന സ്കൂളുകളെ നൂറുശതമാനം വിജയത്തിലേക്കുയര്‍ത്തുന്നതിന് വ്യത്യസ്തങ്ങളായ പഠന പരിശീലനങ്ങള്‍ ആവിഷ്കരിച്ച്​ നടപ്പാക്കി. നെടുമങ്ങാട് ഗവണ്‍മൻെറ്​ കോളജില്‍ പുതിയ മൂന്ന്​ കോഴ്സുകള്‍ ആരംഭിച്ചതും കോളജിന് സ്വന്തമായി പുതിയ മന്ദിരങ്ങള്‍ നിര്‍മിച്ചുനല്‍കിയതും നഗരത്തില്‍ പുതിയ ഐ.ടി.ഐ ആരംഭിക്കുന്നതിന് മന്ദിരം അനുവദിച്ചതും മഞ്ച ജെ.ടി.എസിന് പുതിയ മന്ദിരങ്ങള്‍ നിര്‍മിച്ചുനല്‍കിയതും ഉള്‍​െപ്പടെ അനവധി നേട്ടങ്ങളാണ് അക്കാദമിക് കൗണ്‍സിലി‍​ൻെറ നേതൃത്വത്തില്‍ നടപ്പാക്കിയത്. മന്ത്രിയുടെ വസതിയില്‍ നടന്ന പ്രകാശന ചടങ്ങില്‍ നഗരസഭ ചെയര്‍മാന്‍ ചെറ്റച്ചല്‍ സഹദേവന്‍, വിദ്യാഭ്യാസ സ്​റ്റാൻഡിങ്​ കമ്മിറ്റി ചെയര്‍മാന്‍ ടി.ആര്‍. സുരേഷ്, ആര്‍. ജയദേവന്‍, ശരത്ചന്ദ്രന്‍ എന്നിവരും പ്രകാശന ചടങ്ങില്‍ പങ്കെടുത്തു.