ഓട്ടോ ഡ്രൈവറെ മർദിച്ച് കവർച്ച: മൂന്നുപേർ പിടിയിൽ

തിരുവനന്തപുരം: ഓട്ടോ ഡ്രൈവറെ മർദിച്ച് മൊബൈൽ ഫോൺ കവർന്ന കേസിൽ മൂന്നുപേരെ പിടികൂടിയെന്ന് സിറ്റി പൊലീസ് കമീഷണർ ബൽറാം കുമാർ ഉപാധ്യായ അറിയിച്ചു. ബാലരാമപുരം സി.എസ്.ഐ പള്ളിക്ക്​ സമീപം കരിംപ്ലാവിള വീട്ടിൽ മണികണ്ഠൻ (32), ബീമാപള്ളി മാമൂട്ടിവിളാകം വീട്ടിൽ അസ്‌ലം (25), ആറ്റുകാൽ ചരുവിള ജയവിഹാറിൽ മണികണ്ഠൻ (25) എന്നിവരെയാണ് ഫോർട്ട് പൊലീസ് അറസ്​റ്റ്​ ചെയ്തത്. കഴിഞ്ഞ 20നായിരുന്നു കേസിനാസ്പദമായ സംഭവം. ശ്രീകണ്ഠേശ്വരം സ്വദേശി രവീന്ദ്രൻനായർ രാത്രി പത്തരയോടെ ഓട്ടോ ഓടിച്ചുവരവെ തകരപ്പറമ്പ് ജങ്​ഷന്​ സമീപത്തു​െവച്ച് അഞ്ചംഗസംഘം തടഞ്ഞുനിർത്തി മർദിച്ചശേഷം മൊബൈൽ ഫോൺ പിടിച്ചുപറിക്കുകയായിരുന്നു. പ്രതികൾക്കെതിരെ നഗരത്തിലെ വിവിധ സ്​റ്റേഷനുകളില്‍ നിരവധി കേസുകളുണ്ട്. ഫോർട്ട്​ ‌ എസ്.എച്ച് രാകേഷ്, എസ്.ഐമാരായ വിമല്‍, സജു എബ്രഹാം, നിധിന്‍ നളന്‍, സി.പി.ഒമാരായ വിനോദ്, ബിന്ദു എന്നിവരടങ്ങിയ സംഘമാണ് അന്വേഷണത്തിനും അറസ്​റ്റിനും നേതൃത്വം നൽകിയത്. സംഘത്തിലെ ശേഷിക്കുന്ന രണ്ടുപേർക്കായി അന്വേഷണം ഉൗർജിതമാക്കിയെന്നും കമീഷണർ അറിയിച്ചു.