Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightആൻറിജനിൽ ഇരട്ട സമീപനം: ...

ആൻറിജനിൽ ഇരട്ട സമീപനം: ഉയർത്തുന്നത്​​ ഗുരുതര ചികിത്സാ പ്രതിസന്ധി

text_fields
bookmark_border
തിരുവനന്തപുരം: കോവിഡ്​ പരിശോധന കാര്യത്തിൽ ഡിസ്​ചാർജ്​-അഡ്​മിറ്റ്​​ മാനദണ്ഡങ്ങളിലെ വൈരുധ്യവും വ്യത്യസ്​ത സമീപനവും അടിയന്തര ചികിത്സക്കടക്കം ഗുരുതര പ്രതിസന്ധി ഉയർത്തുന്നു. കോവിഡ്​ ​േരാഗി ഡിസ്​ചാർജാകാൻ ആൻറിജൻ ടെസ്​റ്റ്​ നെഗറ്റിവായാൽ മതി. എന്നാൽ, മറ്റു രോഗങ്ങൾക്കുള്ള ചികിത്സക്കായി അഡ്​മിറ്റാകാൻ കോവിഡില്ലെന്ന്​ തെളിയിക്കുന്നതിന്​ ആൻറിജൻ നെഗറ്റിവ്​ സർട്ടിഫിക്കറ്റ്​​ പരിഗണിക്കില്ല, പകരം ആർ.ടി.പി.സി.ആർ നടത്തി നെഗറ്റിവ്​ സർട്ടിഫിക്കറ്റ്​ ഹാജരാക്കണം. കഴിഞ്ഞ ദിവസം മഞ്ചേരിയിൽ ഇരട്ടക്കുഞ്ഞുങ്ങൾ ദാരുണമായി മരിക്കാനിടയായ സംഭവത്തിലും ചികിത്സ വൈകാനിടയാക്കിയത്​ ഇൗ വൈരുധ്യമാണ്​. ആൻറിജൻ പരിശോധനയുടെ സാധുതയെ കൂടിയാണ്​ ഇൗ​ മാനണ്ഡങ്ങൾ ചോദ്യം ചെയ്യുന്നത്​. കുറഞ്ഞ സമയത്തിനുള്ളിൽ ഫലം ലഭിക്കുന്നതിനൊപ്പം ആൻറിജൻ പരിശോധന കൃത്യമാണെന്നും ആരോഗ്യവകുപ്പ്​ വ്യക്തമാക്കുന്നുണ്ട്​. എങ്കിൽ മറ്റ്​ ചികിത്സക്കുള്ള അഡ്​മിഷന്​ എന്തുകൊണ്ട്​ ആൻറിജൻ ഫലം പരിഗണിക്കുന്നില്ലെന്നതിന്​ കൃത്യമായ ഉത്തരമില്ല. 'ഇക്കാര്യങ്ങൾ നയപരമായ തീരുമാന​മാണെന്നാണ്' ആരോഗ്യവകുപ്പിലെ ഉന്നത ഉദ്യോഗസ്​ഥൻ പ്രതികരിച്ചത്​. ആർ.ടി.പി.സി.ആറിൽ പരിശോധന പൂർത്തിയാകാൻ മാത്രം ആറു​ മണിക്കൂർ വേണം. നടപടികൾ പൂർത്തിയാക്കി ഫലം കിട്ടാൻ ചുരുങ്ങിയത്​ 24 മണിക്കൂറും. അടിയന്തര ചികിത്സാഘട്ടങ്ങളിൽ ഇൗ കാലതാമസം ചെറുതല്ലാത്ത പ്രതിസന്ധിയാണ്​ സൃഷ്​ടിക്കുക. പരിശോധനക്ക്​ ആർ.ടി.പി.സി.ആർ പ്രധാന ആശ്രയമായിരുന്ന ഘട്ടത്തിൽ തയാറാക്കിയ മാനദണ്ഡങ്ങളാണ്​ ഇപ്പോഴുമുള്ളത്​. ഇക്കാര്യത്തിൽ വ്യക്തത വരുത്തൽ അനിവാര്യമാണെന്ന്​ ആരോഗ്യവിദഗ്​ധരും പറയുന്നു. കോവിഡ്​ ബാധയുടെ ആദ്യഘട്ടത്തിലാണ്​ പകർച്ചസാധ്യതയെന്നും രോഗം സ്​ഥിരീകരിച്ചയാളിൽ ചികിത്സക്ക്​ ശേഷം വൈറസ്​ സാന്നിധ്യമില്ലെന്ന്​ ഉറപ്പുവരുത്താൻ ആൻറിജൻ മതിയെന്നുമാണ്​ ആരോഗ്യ വകുപ്പ്​ നിലപാട്​. ആശുപത്രി വിട്ടാലും പാലിക്കേണ്ട നിഷ്​കർഷകളുണ്ട്​. വൈറസി​ൻെറ ഏതെങ്കിലും അംശം ശരീരത്തിലു​െണ്ടങ്കിൽ പോലും ആർ.ടി.പി.സി.ആർ കണ്ടെത്തും. ശ​സ്​ത്രക്രിയക്കടക്കം മറ്റ്​ അസുഖങ്ങൾക്ക്​ ആശുപത്രിയിൽ ​പ്രവേശനം നേടുന്നവർക്ക്​ ആർ.ടി.പി.സി.ആർ നിർബന്ധമാക്കുന്നത്​ ഇതുകൊണ്ടാണ്​. എം. ഷിബു
Show Full Article
TAGS:
Next Story