അമരമ്പലം ഗ്രാമവാസികൾക്ക്​ പട്ടയം നൽകാൻ ഉത്തരവ്

atnW: മലപ്പുറം തിരുവനന്തപുരം: മലപ്പുറത്തെ അമരമ്പലം ഗ്രാമവാസികൾക്ക് പട്ടയം നൽകാൻ റവന്യൂ വകുപ്പി​ൻെറ ഉത്തരവ്. നിലമ്പൂർ താലൂക്കിൽ 1700ഓളം അമരമ്പലം ഗ്രാമവാസികൾക്ക് പട്ടയം അനുവദിക്കണമെന്നാവശ്യപ്പെട്ട് ഗ്രാമപഞ്ചായത്ത് നേരത്തെ അപേക്ഷ സമർപ്പിച്ചിരുന്നു. കാത്യായനി തമ്പുരാട്ടി അടക്കമുള്ളവരിൽനിന്ന് മിച്ചഭൂമിയായി അമരമ്പലം വില്ലേജിൽ ഏറ്റെടുത്ത 40.89 ഏക്കറിന് പട്ടയം നൽകാനാണ് ഉത്തരവ്. ഈ ഭൂമിയിൽ വീടു​െവച്ച്​ താമസിക്കുന്ന ചെറുകിട കർഷകരെയും സാമ്പത്തികമായും സാമൂഹികമായും താഴെത്തട്ടിലുള്ളതുമായ കുടുംബങ്ങളെയും അവിടെനിന്ന് ഒഴിവാക്കരുതെന്നും പട്ടയം നൽകുമ്പോൾ നിലവിലുള്ള കൈവശക്കാർക്ക് തന്നെ മുൻഗണന നൽകണമെന്നും കലക്ടർ റിപ്പോർട്ട് നൽകിയിരുന്നു.