ജീവനക്കാ​െരയും അധ്യാപക​െരയും പണിമുടക്കിലേക്ക്​ തള്ളിവിടരുത് - ചെന്നിത്തല

തിരുവനന്തപുരം: നിർബന്ധിത സാലറികട്ട് വീണ്ടും അടിച്ചേൽപിച്ച് ജീവനക്കാ​െരയും അധ്യാപക​െരയും പണിമുടക്കിലേക്ക് തള്ളിവിടരുതെന്ന് പ്രതിപക്ഷനേതാവ്​ രമേശ് ചെന്നിത്തല. വിവിധ ആവശ്യങ്ങൾ ഉന്നയിച്ച് സെറ്റോയുടെ ആഭിമുഖ്യത്തിൽ സെക്രട്ടേറിയറ്റിനുമുന്നിൽ നടന്ന മോചനമുന്നേറ്റ സംരക്ഷണസദസ്സ്​​ ഉദ്ഘാടനം ചെയ്യുകയായിരുന്നു അദ്ദേഹം. പൊലീസ്​, ആരോഗ്യം, റവന്യൂ, പഞ്ചായത്ത്, ഫയർഫോഴ്സ്​ തുടങ്ങിയ വകുപ്പിലെ ജീവനക്കാർ അധികസമയം പ്രവൃത്തിയെടുത്ത് രോഗപ്രതിരോധപ്രവർത്തനങ്ങളുമായി മുന്നോട്ട് പോകുകയാണ്. മറ്റു പല സംസ്ഥാനങ്ങളിലും അവർക്ക് ഇൻസൻെറിവ് നൽകിയിട്ടുണ്ട്. ഇവിടെ അത് നൽകുന്നില്ല​. മാത്രമല്ല ഒരുപ്രാവശ്യം ശമ്പളം പിടിച്ചെടുത്ത ശേഷം വീണ്ടും അത്​ ആവർത്തിക്കുന്നത്​ ഒരുകാരണവശാലും ന്യായീകരിക്കാനാവില്ല. സെറ്റോ ചെയർമാൻ ചവറ ജയകുമാർ അധ്യക്ഷത വഹിച്ചു. ജനറൽ കൺവീനർ എം. സലാഹുദ്ദീൻ, വി.കെ. അജിത്ത്കുമാർ, എസ്​. രവീന്ദ്രൻ, കെ. വിമലൻ, ആർ. അരുൺകുമാർ, എം.എസ്​. ജ്യോതിഷ്, അനിൽ എം. ജോർജ്, രമേഷ് എം. തമ്പി, അബ്​ദുൽ കലാം, ഡോ. അനിൽ കുമാർ, സന്തോഷ് കുമാർ, രാജീവ് ബി.യു, അനിൽ കുമാർ, ജേക്കബ്സൺ, ടി.ഒ. ശ്രീകുമാർ എന്നിവർ സംസാരിച്ചു.