Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightശിശുക്ഷേമസമിതിയിലെ...

ശിശുക്ഷേമസമിതിയിലെ പണാപഹരണം: പ്രോസിക്യൂഷൻ അനുമതിക്കുള്ള നടപടി തുടരാമെന്ന്​ കോടതി

text_fields
bookmark_border
തിരുവനന്തപുരം: അഭിഭാഷക​ൻെറ പേരിൽ വ്യാജബിൽ മാറി തുക അപഹരിച്ചെന്ന കേസിൽ ശിശുക്ഷേമസമിതിയിലെ അഡ്മിനിസ്‌ട്രേറ്റിവ് ഓഫിസർ പി. ശശിധരൻ നായർക്കെതിരെ പ്രോസിക്യൂഷൻ അനുമതിക്കുള്ള നടപടിയുമായി മുന്നോട്ടുപോകാൻ വിജിലൻസിന്​ കോടതി നിർദേശം. തിരുവനന്തപുരം വിജിലൻസ് യൂനിറ്റ്​ ഡിവൈ.എസ്​.പി അന്വേഷണം പൂർത്തിയാക്കിയ കേസിൽ 2,45,000 രൂപ അപഹരിച്ചതായി ക​െണ്ടത്തിയാണ്​ ​പ്രോസിക്യൂഷൻ നടപടികൾക്കായി വിജിലൻസ്​ അനുമതി തേടിയത്. ശിശുക്ഷേമസമിതിയിലെ കേസുകൾക്ക് അഭിഭാഷകന് നൽകാനുള്ള തുകയായി വ്യാജബിൽ തയാറാക്കി പണം തട്ടുകയായിരു​െന്നന്നാണ് വിജിലൻസ് കണ്ടെത്തൽ. വിജിലൻസ് അന്വേഷണം പൂർത്തിയാക്കി പ്രോസിക്യൂഷൻ അനുമതി തേടിയെങ്കിലും അന്നത്തെ സമിതി ജനറൽ സെക്രട്ടറി അനുമതി നിഷേധിച്ചു. ഈ സാഹചര്യത്തിൽ കേസ്​ വിചാരണ ഉപേക്ഷിച്ച്​ ഉത്തരവിനായി വിജിലൻസ് അന്തിമ റിപ്പോർട്ട് തിരുവനന്തപുരം കോടതിയിൽ സമർപ്പിക്കുകയായിരുന്നു. എന്നാൽ പ്രോസിക്യൂഷൻ അനുമതി നിഷേധിച്ചതിനാൽ കേസ്‌ ഉപേക്ഷിക്കാനുള്ള വിജിലൻസ് ​റിപ്പോർട്ടിലെ ആവശ്യം കോടതി തള്ളി. പ്രോസിക്യൂഷൻ അനുമതി നിഷേധിച്ച ശിശുക്ഷേമസമിതി നടപടി സുപ്രീംകോടതി വിധിക്ക് വിരുദ്ധമാണെന്ന്​ വിജിലൻസ് പ്രോസിക്യൂട്ടർ ഉണ്ണികൃഷ്ണൻ എസ്​. ചെറുന്നിയൂർ കോടതിയിൽ ചൂണ്ടിക്കാട്ടി. കേസ്​ രേഖകൾ സുപ്രീംകോടതിവിധികൾക്ക് അനുസൃതമായി പരിശോധിക്കാൻ നിർദേശം നൽകണം എന്ന പ്രോസിക്യൂട്ടറുടെ വാദവും കോടതി അംഗീകരിച്ചു. ഇതി​ൻെറ അടിസ്ഥാനത്തിലാണ്​ വിജിലൻസ് ഡിവൈ.എസ്​.പിയോട്​ കേസ് രേഖകൾ മടക്കിവാങ്ങി വീണ്ടും പ്രോസിക്യൂഷൻ അനുമതിക്കുള്ള നടപടി സ്വീകരിക്കാൻ കോടതി നിർ​േദശിച്ചത്​.
Show Full Article
TAGS:
Next Story