മഹാസമാധി ആചരണം കോലത്തുകരയിൽ

തിരുവനന്തപുരം: ശ്രീനാരായണഗുരു രണ്ടാമതായി ശിവപ്രതിഷ്ഠ നടത്തിയ കുളത്തൂർ കോലത്തുകര ശിവക്ഷേത്രത്തിൽ ഗുരുവിൻെറ 93ാമത് മഹാസമാധി ദിനാചാരണം 21ന് രാവിലെ 6.25 നുള്ള പ്രഭാതപൂജക്കൾക്കുശേഷം ഗുരുമന്ദിരത്തിൽ തുടങ്ങുന്ന അഖണ്ഡനാമ ജപയജ്ഞത്തോടെ ആരംഭിക്കും. മഹാസമാധിപൂജകൾ ക്ഷേത്രതന്ത്രി സുദർശനൻ ചന്ദ്രമംഗലത്തിൻെറയും ക്ഷേത്രം മേൽശാന്തി ജി സഞ്ജിത്ദായനന്ദ​ൻെറയും മുഖ്യകാർമികത്വത്തിൽ നടക്കും. ഗുരുദേവകൃതികളുടെ പാരായണം, ഗുരുദേവ കീർത്തനങ്ങളുടെ ആലാപനം എന്നിവയും നടക്കും. കോവിഡ് 19‍ൻെറ പശ്ചാത്തലത്തിൽ നിലവിലുള്ള സർക്കാർ നിർദേശങ്ങൾ കർശനമായി പാലിച്ചുകൊണ്ടായിരിക്കും പൂജകളും ചടങ്ങുകളും നടത്തുക. ഭക്തജനങ്ങളുടെ പ്രവേശനം പൂർണ നിയന്ത്രണത്തിലായിരിക്കും. ഉച്ചക്ക് ഒന്നിന്​ കഞ്ഞിവിതരണം നടക്കും. വൈകുന്നേരം 3.30ന് ആരംഭിക്കുന്ന മഹാസമാധിപൂജകൾ നാലോടെ അവസാനിക്കുമെന്ന് ക്ഷേത്രസമാജം സെക്രട്ടറി എസ്. സതീഷ്ബാബു അറിയിച്ചു.