പോപുലർ ഫിനാൻസ്​ തട്ടിപ്പ്​ സി.ബി.​െഎക്ക്​

തിരുവനന്തപുരം: പോപുലർ ഫിനാൻസ്​ സാമ്പത്തിക തട്ടിപ്പ്​ കേസുകൾ സി.ബി.​െഎക്ക്​ വിടാൻ സംസ്​ഥാന സർക്കാർ തീരുമാനിച്ചു. സംസ്​ഥാനത്തിനും രാജ്യത്തിനും വെളിയിൽ ഇടപാടുണ്ടെന്ന്​ കണ്ടെത്തിയ സാഹചര്യത്തിലാണ്​ തീരുമാനമെന്ന്​ മുഖ്യമന്ത്രി പിണറായി വിജയൻ അറിയിച്ചു. അന്വേഷണം സി.ബി.​െഎക്ക്​ വിടാൻ തയാറാണെന്ന്​ തിങ്കളാഴ്​ച സർക്കാർ ഹൈകോടതിയെയും അറിയിച്ചിരുന്നു. ഇക്കാര്യം വ്യക്തമാക്കി കേ​ന്ദ്രത്തിന്​ കത്ത്​ നൽകും. 2000 കോടിയോളം രൂപയുടെ തട്ടിപ്പാണിതെന്നാണ്​ കണക്കാക്കുന്നത്​. 13 ഒാളം കേസുകൾ​ ഇതുവരെ പൊലീസ്​ രജിസ്​റ്റർ ചെയ്​ത​ു.