Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightസ്കൂൾ നവീകരണം:...

സ്കൂൾ നവീകരണം: വിജിലൻസ് അന്വേഷണം വേണം ^യൂത്ത് കോൺഗ്രസ്

text_fields
bookmark_border
സ്കൂൾ നവീകരണം: വിജിലൻസ് അന്വേഷണം വേണം -യൂത്ത് കോൺഗ്രസ് ബാലരാമപുരം: ബാലരാമപുരം ഗവ. ഹയർ സെക്കൻഡറി സ്കൂളിലെ കവാടവും മതിലും നിർമിച്ചതിൽ അഴിമതിയുണ്ടെന്ന്​ യൂത്ത് കോൺഗ്രസ് ജില്ല ജനറൽ സെക്രട്ടറി അഫ്‌സൽ ബാലരാമപുരം ആരോപിച്ചു. റോഡ് നിർമാണത്തിന്​ ഹൈവേ അതോറിറ്റി മാസങ്ങൾക്ക് മുമ്പ്​ സ്‌കൂളി​ൻെറ മുൻഭാഗത്തെ മതിൽ പൊളിക്കുകയും അവർതന്നെ താൽക്കാലിക മതിൽ നിർമിക്കുകയും ചെയ്‌തിരുന്നു. എന്നാൽ, ചുറ്റുമതിൽ നിർമിക്കുന്നതിന്​ ജില്ല പഞ്ചായത്ത് 18 ലക്ഷത്തോളം രൂപ വകയിരുത്തി. സ്​കൂളി​ന്​ മുന്നിലെ കവാടം നിർമിച്ചതും ചെറിയ അറ്റകുറ്റപ്പണി നടത്തിയതുമൊഴിച്ചാൽ പല ഭാഗത്തെയും ചുറ്റുമതിൽ നിർമിച്ചിട്ടില്ല. ഹൈവേ അതോറിറ്റി നിർമിച്ച മുൻഭാഗത്തെ മതിലിന് മതിയായ ഉയരമോ സുരക്ഷയോ ഇല്ല. ഇതിനായി വകയിരുത്തിയ 18 ലക്ഷം രൂപയുടെ നിർമാണത്തിൽ അഴിമതി നടന്നെന്ന്​ വ്യക്തമാണ്. ആധുനിക ശുചിമുറിക്കായി അഞ്ചുലക്ഷം രൂപ നീക്കിവെച്ചിരുന്നു. എന്നാൽ, പഴയ ശുചിമുറി നവീകരിച്ചതല്ലാതെ ഇ-ടോയ്‌ലറ്റ് നിർമിച്ചില്ല. നിർമാണ പ്രവൃത്തികൾ സംബന്ധിച്ച്​ വിജിലൻസ് അന്വേഷണം വേണമെന്നും അഫ്സൽ പഞ്ചായത്ത് ഡയറക്ടർക്ക് നൽകിയ പരാതിയിൽ പറഞ്ഞു.
Show Full Article
TAGS:
Next Story