ഓൺലൈൻ പഠനം: തുടർച്ചയായ ക്ലാസ്​ പാടില്ലെന്ന് കമീഷൻ

തിരുവനന്തപുരം: ലോക്ഡൗണിനെതുടർന്ന് ആരംഭിച്ച ഓൺലൈൻ പഠനത്തിൻെറ ഭാഗമായി ചില സി.ബി.എസ്​.ഇ സ്​കൂളുകൾ ഇടവേള നൽകാതെ തുടർച്ചയായി ക്ലാസ്​ എടുക്കുന്ന പ്രവണത അവസാനിപ്പിക്കണമെന്ന് സംസ്ഥാന ബാലാവകാശ സംരക്ഷണ കമീഷൻ. കുട്ടികളുടെ ആരോഗ്യത്തെ ബാധിക്കാത്തവിധം സമയം ക്രമീകരിക്കുകയും വിവിധ സെഷനുകൾക്കിടയിൽ മതിയായ ഇടവേളകൾ നൽകുകയും ചെയ്യണമെന്ന്​ ചെയർമാൻ കെ.വി. മനോജ്കുമാർ, ഫാ. ഫിലിപ്പ് പരക്കാട്ട്, കെ. നസീർ എന്നിവർ ഉൾപ്പെട്ട ഫുൾ ​െബഞ്ച്​ ഉത്തരവിട്ടു. സ്വന്തം ലേഖകൻ