Begin typing your search above and press return to search.
exit_to_app
exit_to_app
Posted On
date_range 8 Sep 2020 11:58 PM GMT Updated On
date_range 8 Sep 2020 11:58 PM GMTവിവാഹത്തിൽനിന്ന് പിന്മാറിയതിനെ തുടർന്ന് ആത്മഹത്യ: യുവാവ് റിമാൻഡിൽ
text_fieldsbookmark_border
കൊട്ടിയം: ഉറപ്പിച്ച ശേഷം വിവാഹത്തിൽനിന്ന് വരൻ പിന്മാറിയതിനെ തുടർന്ന് യുവതി തൂങ്ങിമരിച്ച സംഭവത്തിൽ അറസ്റ്റിലായ പള്ളിമുക്ക് ഇക്ബാൽ നഗർ സ്വദേശി ഹാരിഷിനെ റിമാൻഡ് ചെയ്ത് ക്വാറൻറീൻ കേന്ദ്രത്തിലേക്ക് മാറ്റി. കൂടുതൽ അന്വേഷണത്തിനും തെളിവെടുപ്പിനുമായി പ്രതിയെ കസ്റ്റഡിയിൽ വാങ്ങാൻ പൊലീസ് നടപടി ആരംഭിച്ചു. ആത്മഹത്യ ചെയ്ത യുവതിയെയുംകൊണ്ട് ഹാരിഷ് പോയ സ്ഥലങ്ങളിൽ തെളിവെടുക്കേണ്ടതുണ്ടെന്ന് പൊലീസ് പറഞ്ഞു. തമിഴ്നാട്, ബംഗളൂരു എന്നിവിടങ്ങളിൽ പോയതായാണ് വിവരം. ജമാഅത്തിൻെറ വ്യാജ വിവാഹ സർട്ടിഫിക്കറ്റ് ഉണ്ടാക്കിയതിനെക്കുറിച്ചും അന്വേഷിക്കുന്നുണ്ട്. കഴിഞ്ഞ മൂന്നിനാണ് 25കാരിയായ യുവതിയെ വീട്ടിൽ തൂങ്ങിമരിച്ചനിലയിൽ കണ്ടത്. നിലവിലെ അന്വേഷണം തൃപ്തികരമല്ലെങ്കിൽ കോടതിയെ സമീപിക്കുമെന്ന് ബന്ധുക്കൾ അറിയിച്ചു. പെൺകുട്ടിയുടെ പോസ്റ്റ്മോർട്ടം റിപ്പോർട്ട് ലഭിച്ച ശേഷമാകും പൊലീസ് വിശദ അന്വേഷണം നടത്തുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story