കോടിയേരിയു​െട വാക്കുകൾ പെരിയ കൊലപാതകത്തി​െൻറ ഉത്തരവാദിത്തം ഏറ്റെടുക്കൽ -മുല്ലപ്പള്ളി

കോടിയേരിയു​െട വാക്കുകൾ പെരിയ കൊലപാതകത്തി​ൻെറ ഉത്തരവാദിത്തം ഏറ്റെടുക്കൽ -മുല്ലപ്പള്ളി തിരുവനന്തപുരം: വർഷങ്ങളായി രണ്ട് സംഘങ്ങൾ തമ്മിലുള്ള കുടിപ്പകയുടെ അന്ത്യമാണ് വെഞ്ഞാറമൂട് കൊലപാതകമെന്ന് കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രന്‍. അഴിമതിയിൽ മുങ്ങിത്താഴുന്ന സർക്കാറിന് വീണുകിട്ടിയ അവസരമായാണ് വെഞ്ഞാറമൂട് കൊലപാതകത്തെ സി.പി.എം കാണുന്നതെന്നും അദ്ദേഹം കുറ്റപ്പെടുത്തി. സി.പി.എം നടത്തുന്ന ആക്രമണങ്ങള്‍ അവസാനിപ്പിക്കണമെന്നും സമാധാനം പുനഃസ്ഥാപിക്കണമെന്നും ആവശ്യപ്പെട്ട് ഡി.സി.സി പ്രസിഡൻറുമാർ നടത്തിയ സത്യഗ്രഹസമരത്തി​ൻെറ സംസ്ഥാ​നതല ഉദ്​ഘാടനം തിരുവനന്തപുരം ഡി.സി.സി ആസ്ഥാനത്ത്​ നിർവഹിക്കുകയായിരുന്നു അദ്ദേഹം. പെരിയ കൊലപാതകം സി.പി.എമ്മാണ് ചെയ്തതെന്ന്​ കോടിയേരി എറണാകുളത്ത് നടത്തിയ പ്രസ്താവനയിലൂടെ സമ്മതിച്ചു. അക്രമം അവസാനിപ്പിക്കാന്‍ മുഖ്യമന്ത്രിയും കോടിയേരിയും നിർദേശം നല്‍കണം. വെഞ്ഞാറമൂട് കൊലപാതകം രാഷ്​ട്രീയപ്രേരിതമല്ലെന്നാണ് അന്വേഷണ ഉദ്യോഗസ്ഥനായ ഡി.ഐ.ജി സഞ്ജയ് കുമാർ ഗുരുഡിൻ വ്യക്തമാക്കിയത്. എന്നാൽ, അന്വേഷണച്ചുമതല റൂറല്‍ എസ്.പി അശോകനെ ഏല്‍പിച്ച്​ കേസി‍ൻെറ ഗതിമാറ്റി. അദ്ദേഹം പലതവണ സർക്കാർ നടപടി നേരിട്ടയാളാണ്​. ഇ.കെ. നായനാരുടെ കാലത്തുപോലും അദ്ദേഹം നടപടി നേരിട്ടിരുന്നു. പിണറായി സർക്കാർ വന്നതിനുശേഷമാണ് അദ്ദേഹത്തിന് ഐ.പി.എസ് കണ്‍ഫർ ചെയ്ത് നൽകിയത്. സ്വഭാവദൂഷ്യമുള്ള ഒരാൾക്ക് എങ്ങനെ ഐ.പി.എസ് നല്‍കാന്‍ ശിപാർശ ചെയ്​തെന്ന്​ അന്വേഷിക്കണം. ഇത്തരമൊരു ഉദ്യോഗസ്ഥനെ ഉപയോഗിച്ച് പൊതുസമൂഹത്തെ കബളിപ്പിക്കാനാകില്ലെന്നും മുല്ലപ്പള്ളി പറഞ്ഞു. പ്രതിപക്ഷനേതാവ്​ രമേശ്​ ചെന്നിത്തല, കെ.പി.സി.സി മുൻ പ്രസിഡൻറ്​ എം.എം. ഹസൻ, നേതാക്കളായ തമ്പാനൂർ രവി, ടി. ശരത്​ചന്ദ്രപ്രസാദ്​, മണക്കാട്​ സുരേഷ്​, കരകുളം കൃഷ്​ണപിള്ള, എം.എൽ.എമാരായ വി.എസ്.​ ശിവകുമാർ, കെ.എസ്.​ ശബരീനാഥൻ, ഡി.സി.സി പ്രസിഡൻറ്​ നെയ്യാറ്റിൻകര സനൽ എന്നിവർ സംസാരിച്ചു.