ഡി.വൈ.എഫ്​.​െഎ ആക്രമണങ്ങൾ പ്രതിഷേധാർഹം

തിരുവനന്തപുരം: ആത്മഹത്യ ചെയ്ത പി.എസ്​.സി ഉദ്യോഗാർഥി അനുവി​ൻെറ വീടിനുനേരെയും യൂത്ത് കോൺഗ്രസ്‌ സമരപ്പന്തലിന് നേരെയും ഉണ്ടായ ആക്രമണങ്ങൾ പ്രതിഷേധാർഹമാണെന്ന് യൂത്ത് കോൺഗ്രസ്‌ സംസ്ഥാന വൈസ് പ്രസിഡൻറ്​ എൻ.എസ്. നുസൂർ പറഞ്ഞു. കൊലപാതകത്തിൽ പ്രതിഷേധിച്ചാണ് ഡി.വൈ.എഫ്​.​െഎ പ്രവർത്തകർ പ്രകടനം നടത്തിയതെങ്കിലും അനുവി​ൻെറ വീട്ടിനുനേരെ ഉണ്ടായ കല്ലേറ് ഗൂഢാലോചനയുടെ ഭാഗമാണ്. സമരപ്പന്തൽ തല്ലിപ്പൊളിച്ചത് നേതൃത്വത്തി​ൻെറ നിർദേശാനുസരണമാണ്. ഈ സർക്കാറി​ൻെറ യുവജന വഞ്ചനയുടെ പ്രതീകമാണ് അനു എന്ന രക്തസാക്ഷിയെന്നും എൻ.എസ്. നുസൂർ പറഞ്ഞു. രാവിലെ അനുവി​ൻെറ വീട്ടിലെത്തി കുടുംബാംഗങ്ങളുമായി സംസാരിച്ച ശേഷമാണ് സമരപ്പന്തലിൽ എത്തിയത്. കെ.പി.സി.സി സെക്രട്ടറി വത്സലൻ, ഡി.സി.സി ജനറൽ സെക്രട്ടറി പാറശ്ശാല സുധാകരൻ, യു.ഡി.എഫ് ചെയർമാൻ ദസ്തക്കീർ, കൊല്ലിയോട് സത്യനേശൻ, ജില്ല ജനറൽ സെക്രട്ടറി ശ്യാം, പാലിയോട് അനൂപ് എന്നിവർ സംസാരിച്ചു. ബ്ലോക്ക്‌ പ്രസിഡൻറ്​ ബ്രഹ്മിൻ ചന്ദ്ര​ൻെറ നേതൃത്വത്തിലാണ് സമരം ആരംഭിച്ചത്.