വീരരാഘവം നെയ്യാറ്റിൻകരക്ക്​ സ്വപ്നസാഫല്യം ^മന്ത്രി

വീരരാഘവം നെയ്യാറ്റിൻകരക്ക്​ സ്വപ്നസാഫല്യം -മന്ത്രി നെയ്യാറ്റിന്‍കര: നഗരസഭയിലെ അത്താഴമംഗലത്ത് പൂര്‍ത്തിയായ വീരരാഘവം ചരിത്രശില്‍പ സ്മാരകം നെയ്യാറ്റിന്‍കര വെടിവെപ്പി‍ൻെറ 82ാം വാര്‍ഷികദിനമായ ആഗസ്​റ്റ്​ 31ന് മന്ത്രി കടകംപള്ളി സുരേന്ദ്രന്‍ നാടിന്​ സമര്‍പ്പിച്ചു. ഓർമകളുടെ അടയാളപ്പെടുത്തൽ ഈ കാലഘട്ടത്തിന് ഏറ്റവും വലിയ മുതൽക്കൂട്ടാണെന്നും അദ്ദേഹം പറഞ്ഞു. ചരിത്രശില്‍പസാന്നിധ്യത്തിന് 20 അടി നീളവും 10 അടി ഉയരവുമുണ്ട്. സിമൻറില്‍ തീര്‍ത്ത മുപ്പതോളം ശില്‍പങ്ങള്‍ ഈ ചിത്രത്തില്‍ കാണാം. 35 ദിവസം കൊണ്ടാണ് നെയ്യാര്‍ വരമൊഴി ഇത് തയാറാക്കിയത്​. വീരരാഘവ സ്മാരക ഉദ്ഘാടന ചടങ്ങില്‍ നഗരസഭ ചെയര്‍പേഴ്സണ്‍ ഡബ്ല്യൂ.ആര്‍. ഹീബ അധ്യക്ഷതവഹിച്ചു​. കെ. ആന്‍സലന്‍ എം.എല്‍.എ മുഖ്യാതിഥിയായി. കെ.കെ. ഷിബു, കൗണ്‍സിലര്‍ ഡി. സൗമ്യ, പി.കെ. രാജ്മോഹൻ, സി.പി.ഐ മണ്ഡലം സെക്രട്ടറി എന്‍. അയ്യപ്പന്‍നായര്‍, നഗരസഭ എൻജിനീയർ എസ്.കെ. സുരേഷ് കുമാർ, അസിസ്​റ്റൻറ്​ എൻജിനീയർ ലോറൻസ് എന്നിവര്‍ പ​െങ്കടുത്തു. നെയ്യാർ വരമൊഴി ചെയർമാനും ഫോട്ടോ ജേണലിസ്​റ്റും ചിത്രകാരനുമായ അജയൻ അരുവിപ്പുറം, ശിൽപിയും ചിത്രകലാ അധ്യാപകരുമായ ശ്രീകുമാർ ആമച്ചൽ, മണികണ്ഠൻ വരമൊഴി, കരാർ നിർവഹണം നടത്തിയ ഡി. സ്​റ്റീഫൻ എന്നിവരെ ചടങ്ങില്‍ ആദരിച്ചു.