ജെ.ഇ.ഇ മെയിൻ പരീക്ഷ നാളെ മുതൽ

തിരുവനന്തപുരം: ​െഎ.​െഎ.ടി, എൻ.​െഎ.ടി ഉൾപ്പെടെ സാ​േങ്കതിക വിദ്യാഭ്യാസ സ്​ഥാപനങ്ങളിൽ പ്രവേശനത്തിനുള്ള ജോയൻറ്​ എൻട്രൻസ്​ എക്​സാമിനേഷൻ (മെയിൻ) സെപ്​റ്റംബർ ഒന്നുമുതൽ ആറ്​ വരെ നടക്കും. രാജ്യത്തെ 605 കേന്ദ്രങ്ങളിൽ ​കമ്പ്യൂട്ടർ അധിഷ്​ഠിതമായി നടത്തുന്ന പരീക്ഷ 8,58,273 വിദ്യാർഥികൾ എഴുതും. സംസ്​ഥാനത്ത്​ 13 സിറ്റി കേന്ദ്രങ്ങളിലാണ്​ പരീക്ഷ നടക്കുക. ബി.ഇ/ബി.ടെക്​ കോഴ്​സുകൾക്ക്​ പുറമെ ബി.ആർക്ക്​, ബി.പ്ലാനിങ്​ കോഴ്​സുകൾക്കുള്ള പ്രവേശന പരീക്ഷയും ഇതോടൊപ്പം നടക്കും. അഡ്​മിറ്റ്​ കാർഡുകൾ jeemain.nta.nic.in എന്ന വെബ്​സൈറ്റിലൂടെ ലഭ്യമാക്കിയിട്ടുണ്ട്​. അഡ്​മിറ്റ്​ കാർഡിനൊപ്പം പരീക്ഷാർഥികൾക്കുള്ള കോവിഡ്​ സംബന്ധിച്ച നിർദേശങ്ങളും ഉള്ളടക്കം ചെയ്​തിട്ടുണ്ട്​. ജെ.ഇ.ഇ അഡ്വാൻസ്​സ്​ പരീക്ഷ സെപ്​റ്റംബർ 27നാണ്​. കോവിഡ്​ വ്യാപന സാഹചര്യത്തിൽ ജെ.ഇ.ഇ, നീറ്റ്​ പരീക്ഷകൾ മാറ്റിവെക്കണമെന്ന്​ പ്രതിപക്ഷ പാർട്ടികൾ ആവശ്യപ്പെടുകയും സുപ്രീംകോടതിയെ സമീപിക്കുകയും ചെയ്​തിരുന്നു. എന്നാൽ പരീക്ഷ മാറ്റിവെക്കാനാകില്ലെന്ന നിലപാടാണ്​ കേന്ദ്രം സ്വീകരിച്ചത്​.