അത്തം മുതല്‍ തിരുവോണം വരെ ഓണവിരുന്ന്

തിരുവനന്തപുരം: സംസ്ഥാന സാംസ്കാരിക വകുപ്പി​ൻെറ നേതൃത്വത്തില്‍ സൗത്ത് സോണ്‍ കള്‍ചറല്‍ സെ​ൻററും കേരള സര്‍ക്കാറി​ൻെറ സാംസ്കാരിക വിനിമയകേന്ദ്രമായ ഭാരത് ഭവനും സംയുക്തമായി അത്തം മുതല്‍ തിരുവോണം വരെ 'മാവേലി മലയാളം' കലാവിരുന്ന് ഒരുക്കും. 22 മുതല്‍ 31 വരെ എല്ലാ ദിവസവും രാത്രി ഏഴുമുതല്‍ 8.30 വരെയാണ് കലാവിരുന്ന്. ഏഴുമുതല്‍ ഏഴര വരെ സൗത്ത് സോണ്‍ കള്‍ചറല്‍ സെ​ൻറര്‍ വിവിധ സംസ്ഥാനങ്ങളിലെ കലാപരിപാടികളും ഏഴര മുതല്‍ എട്ടര വരെ ഭാരത് ഭവന്‍ കേരളത്തിലെ കലാരൂപങ്ങളും അവതരിപ്പിക്കും. മാവേലി മലയാളം ഓണ്‍ലൈന്‍ അവതരണങ്ങളുടെ ഉദ്​ഘാടനം ശനിയാഴ്ച വൈകീട്ട് ആറിന് ഗവര്‍ണര്‍ ആരിഫ് മുഹമ്മദ് ഖാന്‍ നിര്‍വഹിക്കും. മന്ത്രി എ.കെ. ബാലന്‍ അധ്യക്ഷത വഹിക്കും. https://www.facebook.com/AK.Balan.Official/ https://www.facebook.com/BharatBhavanKeralaOfficial/, https://www.facebook.com/szcc1986 എന്നീ ഫേസ്ബുക് പേജുകളിലും സാംസ്കാരിക വകുപ്പിന് കീഴിലുള്ള എല്ലാ സ്ഥാപനങ്ങളുടെയും സോഷ്യല്‍ മീഡിയ പേജുകളിലും തത്സമയം ലഭ്യമാകും.