മതന്യൂനപക്ഷങ്ങളുടെ ആശങ്ക അകറ്റണം -ഡി.കെ.ഐ.എം.വി ബോര്‍ഡ്

കൊല്ലം: കേന്ദ്ര സർക്കാർ നടപ്പാക്കാനുദ്ദേശിക്കുന്ന ദേശീയ വിദ്യാഭ്യാസ നയം മദ്​റസ വിദ്യാഭ്യാസത്തെയും അറബി ഭാഷാ പഠനത്തെയും സാരമായി ബാധിക്കാനിടയുണ്ടെന്ന് ദക്ഷിണ കേരള ഇസ്​ലാം മത വിദ്യാഭ്യാസ ബോര്‍ഡ് യോഗം വിലയിരുത്തി. നയത്തിലെ ഗുണപരമായ മാറ്റങ്ങള്‍ സ്വാഗതം ചെയ്യുന്നതോടൊപ്പം മത-ഭാഷാ ന്യൂനപക്ഷങ്ങളുടെ ആശങ്ക അകറ്റി വേണം നടപ്പാക്കാനെന്ന്​ യോഗം പ്രമേയത്തിലൂടെ ആവശ്യപ്പെട്ടു. കോവിഡ് കാല ദുരിതാശ്വാസ സഹായം മുഴുവന്‍ മുഅല്ലിംകള്‍ക്കും വിതരണം ചെയ്യാൻ തീരുമാനിച്ചു. ചെയര്‍മാന്‍ എ.കെ. ഉമര്‍ മൗലവി അധ്യക്ഷത വഹിച്ചു. തൊടിയൂര്‍ മുഹമ്മദ് കുഞ്ഞ് മൗലവി ഉദ്ഘാടനം ചെയ്തു. ജനറല്‍ സെക്രട്ടറി കടയ്ക്കല്‍ അബ്​ദുല്‍ അസീസ് മൗലവി, സെക്രട്ടറി എന്‍.കെ. അബ്​ദുല്‍ മജീദ് മൗലവി ,സി.എ. മൂസാ മൗലവി, മൈലാപ്പൂര് ഷൗക്കത്താലി മൗലവി, വി.എം. അബ്്​ദുല്ല മൗലവി, സയ്യിദ് മുത്തുക്കോയ തങ്ങള്‍, കെ.കെ.സുലൈമാന്‍ മൗലവി, കുറ്റിച്ചല്‍ ഹസന്‍ ബസരി മൗലവി, പാങ്ങോട് ഖമറുദ്ദീന്‍ മൗലവി, എം.എം. ബാവാ മൗലവി, പാലുവള്ളി അബ്​ദുല്‍ ജബ്ബാര്‍ മൗലവി, വൈ. നവാബുദീന്‍ മൗലവി എന്നിവര്‍ സംസാരിച്ചു.