​േകാവിഡ്​ പ്രചാരണത്തിനായി പൊലീസി​െൻറ പ്രചാരണം

​േകാവിഡ്​ പ്രചാരണത്തിനായി പൊലീസി​ൻെറ പ്രചാരണം തിരുവനന്തപുരം: ഓണക്കാലത്തെ കോവിഡ് നിയന്ത്രണങ്ങള്‍ പഠിപ്പിക്കാന്‍ മാവേലിയുമായി പൊലീസി​ൻെറ പ്രചാരണം. എന്നാൽ, മാവേലിയാകാൻ ആളെ ​കിട്ടാനില്ല, പൊലീസുകാർ വേഷം കെ​േട്ടണ്ടെന്ന്​ സിറ്റി പൊലീസ്​ കമീഷണറുടെ നിർദേശം. തിരുവനന്തപുരം സിറ്റി പൊലീസി​ൻെറ 'സെയ്ഫ് ആൻഡ്​​ ഹാപ്പി ഓണം' ബോധവത്കരണ പരിപാടിയുടെ ഭാഗമായി പൊതുജനങ്ങൾക്കുള്ള കൊറോണ മാർഗനിർദേശങ്ങളുമായിട്ടാണ് മാവേലി നഗരത്തിൽ എത്തിയത്. ​പാളയം മാർക്കറ്റിനു​ മുന്നിൽ സിറ്റി പൊലീസ്​ കമീഷണർ പരിപാടി ഉദ്​ഘാടനം ചെയ്​തു. ഡി.സി.പി ഡോ. ദിവ്യ.വി.ഗോപിനാഥും സന്നിഹിതയായിരുന്നു. കോവിഡ്​ പ്രതിരോധത്തിലെ നയവും ശൈലിയും മാറ്റുന്നതി​ൻെറ ഭാഗമായാണ് തിരുവനന്തപുരം പൊലീസി​ൻെറ പുതിയ പരീക്ഷണം. എന്നാല്‍, കോവിഡി​ൻെറ സാഹചര്യത്തിൽ മാവേലി വേഷം കെട്ടാൻ ആൾക്കാരെ കിട്ടാത്തതും പൊലീസിനെ വലച്ചു. തങ്ങൾ വേഷം കെട്ടാൻ തയാറാണെന്ന്​ പൊലീസുകാരിൽ ചിലർ പറഞ്ഞെങ്കിലും അവർ മാവേലി വേഷം കെട്ടരുതെന്ന് കമീഷണര്‍ ബല്‍റാംകുമാര്‍ ഉപാധ്യായ നിര്‍ദേശിച്ചു. കോവിഡ് പിടിപെടാതെ ഓണം ആഘോഷിക്കണമെങ്കില്‍ പൊലീസി​ൻെറ നിയന്ത്രണങ്ങളെല്ലാം പാലിക്കണമെന്ന ഉപദേശമായിരുന്നു മാവേലി നൽകിയത്​. ഇത്​ പറഞ്ഞ ശേഷം അവിടങ്ങളിലുണ്ടായിരുന്നവർക്കെല്ലാം മാസ്ക്കും സാനിറ്റൈസറും നൽകി. തുടർന്ന്​, പാതാളത്തില്‍നിന്ന് വന്നതിനാല്‍ ക്വാറൻറീനിലേക്ക് പോകുന്നെന്നും ഓണത്തിന് പുറത്തിറങ്ങുമെന്നും വ്യക്തമാക്കി മടങ്ങി. കോവിഡിനെ നേരിടുകയെന്ന പുതിയ നയത്തി​ൻെറ ഭാഗമായാണ് സിറ്റി പൊലീസി​ൻെറ മാവേലിയുമൊത്തുള്ള യാത്ര. എന്നാല്‍ മാവേലിയെ ഉടന്‍ കണ്ടെത്തണമെന്ന നിര്‍ദേശം പൊലീസുകാര്‍ക്ക് തലവേദനയായി. പിന്നീട്​, കിട്ടിയ ഒരു മാവേലിയുമായി ജീപ്പിൽ പൊലീസുകാർ ഒാരോ സ്​റ്റേഷൻ പരിധിയിലേക്ക്​ ചീറിപ്പായുകയായിരുന്നു.