വർഗീയതയെ സ്നേഹത്തി​െൻറയും ത്യാഗത്തി​െൻറയും മാർഗത്തിൽ മറികടക്കുക ^എം.ഐ. അബ്​ദുൽ അസീസ്

വർഗീയതയെ സ്നേഹത്തി​ൻെറയും ത്യാഗത്തി​ൻെറയും മാർഗത്തിൽ മറികടക്കുക -എം.ഐ. അബ്​ദുൽ അസീസ് തിരുവനന്തപുരം: വർഗീയതയും വംശീയതയും നേരിടുന്നതിന് സ്നേഹത്തി​ൻെറയും ത്യാഗത്തി​ൻെറയും മാർഗം സ്വീകരിക്കണമെന്ന് ജമാഅത്തെ ഇസ്​ലാമി അമീർ എം.ഐ. അബ്​ദുൽ അസീസ്. ദൈവത്തോടുള്ള അഗാധമായ സ്നേഹമാണ് സർവസ്വവും സമർപ്പിക്കാനും അഗ്​നിപരീക്ഷകളെ അതിജയിക്കാനും ഇബ്രാഹീം പ്രവാചകന് കരുത്തുനൽകിയത്. ജമാഅത്തെ ഇസ്‌ലാമി ജില്ല സമിതി സംഘടിപ്പിച്ച 'അകലങ്ങളിൽ ഒരു പെരുന്നാൾ സൗഹൃദം' എന്ന ഓൺലൈൻ ഈദ് മീറ്റ് ഉദ്​ഘാടനം ചെയ്ത് സംസാരിക്കുകയാരുന്നു അമീർ. ഗബ്രിയേൽ മാർ ഗ്രിഗോറിയോസ് മെത്രാപ്പോലിത്ത, ശാന്തിഗിരി ആശ്രമം ജനറൽ സെക്രട്ടറി ഗുരുരത്നം ജ്ഞാന സപസ്വി, പാളയം ഇമാം മൗലവി വി.പി. സുഹൈബ്, മാധ്യമ പ്രവർത്തകൻ ഭാസുരേന്ദ്രബാബു, വയലാർ ഗോപകുമാർ, ഇ.എം. നജീബ്, കെ.എം.വൈ.എഫ്​ സംസ്ഥാന സെക്രട്ടറി ഷംസുദ്ദീൻ മന്നാനി, വെൽ​െഫയർ പാർട്ടി ജില്ല പ്രസിഡൻറ്​ എൻ.എം. അൻസാരി, ജമാഅത്തെ ഇസ്‌ലാമി സിറ്റി പ്രസിഡൻറ്​ എ. അൻസാരി, വനിത വിഭാഗം പ്രസിഡൻറ് റസിയ ബീഗം, എഷ്. ഷഹീർ മൗലവി എന്നിവർ സംസാരിച്ചു. ജില്ല പ്രസിഡൻറ് എസ്. അമീൻ അധ്യക്ഷത വഹിച്ചു. എ.എസ്. നൂറുദ്ദീൻ സ്വാഗതവും ജില്ല സെക്രട്ടറി നസീർ ഖാൻ നന്ദിയും പറഞ്ഞു.