Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightമൂന്നാം വർഷവും...

മൂന്നാം വർഷവും ഒാണമില്ലാത മലയാളികളും സമ്പദ്​ വ്യവസ്ഥയും

text_fields
bookmark_border
കെ.എസ്​. ശ്രീജിത്ത്​ തിരുവനന്തപുരം: തുടർച്ചയായ മൂന്നാം വർഷവും ഒാണം ഇല്ലെന്ന്​ ഉറപ്പായതോടെ തകർച്ചയിലേക്ക്​ സമ്പദ്​വ്യവസ്ഥ കൂപ്പുകുത്തി. തൊഴിൽശാലകൾ പൂട്ടുകയും സ്വയംതൊഴിൽ അവസരം ഇല്ലാതാവുകയും ചെയ്​തതോടെ ശരാശരി മനുഷ്യ ജീവിതം ആത്​മഹത്യാ വക്കിലായി​. നികുതി ഉൾപടെ വരുമാന മാർഗ്ഗം അടഞ്ഞ്​ സർക്കാർ ഇരുട്ടിൽ തപ്പുന്നു​. 2018ൽ മഹാപ്രളയവും 2019 ൽ വെള്ളപൊക്കവുമാണ്​ ഒാണം വിപണിയെ വിഴുങ്ങിയത്​. ഇൗ വർഷ ഒാണ വിപണിയിലായിരുന്നു പ്രതീക്ഷ. രണ്ട്​ മാസം മു​േമ്പ സജീവമാവേണ്ട വിപണി പക്ഷേ കോവിഡ്​ അടച്ച്​പൂട്ടലിൽ നിശ്​ചലമാണ്​. ദേശീയതലത്തിലെ ഉൽസവ സീസൺ ആരംഭിക്കുക​ കേരളത്തിലെ ഒാണത്തോടെയാണ്​. തുടർന്ന്​ ദീപാവലി, ക്രിസ്​തുമസ്​ വിപണികളിലേറിയാണ്​ സമ്പദ്​വ്യവസ്ഥയുടെ മുന്നോട്ട്​പോക്ക്​. ഇൗ വർഷം ഏപ്രിലിൽ കേന്ദ്രം പ്രഖ്യാപിച്ച ദേശീയ ലോക്ക്​ഡൗണിൽ 55 ദിവസത്തോളം​ സംസ്ഥാനം അടച്ചിട്ടപ്പോൾ വിഷു വിപണി നഷ്​ടമായി. പിന്നീട്​ ഇളവ്​ പ്രഖ്യാപിച്ചു. പക്ഷേ വൈറസ്​ വ്യാപനം ചൂണ്ടികാട്ടി തിരുവനന്തപുരം, എറണാകുളം, കോഴിക്കോട്​, കോട്ടയം ഉൾപടെ വാണിജ്യ നഗരങ്ങളിലെയും മറ്റ്​ ജില്ലകളിലെ ചന്തകളും സ്വകാര്യ ഒാഫീസും വ്യാപാരസ്ഥാപനങ്ങളും ജനവാസ കേന്ദ്രവും അടച്ചിട്ടിരിക്കുകയാണ്​.കേന്ദ്ര ജി.എസ്​.ടി വിഹിത പ്രതീക്ഷ നഷ്​ടമായ സംസ്ഥാനത്തിന്​ റവന്യൂ വരുമാനം, നികുതിയിൽ പ്രതീക്ഷ ഇല്ലാതായി. പ്രവാസികളുടെ തിരിച്ച്​വര​വോടെ ആ വരുമാനം നിലച്ചു. ഏപ്രിലിൽ സാമൂഹ്യ സുരക്ഷാ പെൻഷനും സൗജന്യ ഭക്ഷ്യ ധാന്യവും നൽകി. വരുമാന മാർഗം ഏതാണ്ട്​ നിലച്ചതോടെ ഖജനാവ്​ കടുത്ത ഞെരുക്കത്തിലാണ്​. ഏറ്റവും കൂടുതൽ വിൽപന കിഴിവ്​ നടക്കുന്ന ഒാണം വിപണിയാണ്​ തുടർച്ചയായി നഷ്​ടമാവുന്നത്​. ഒപ്പമാണ്​ ഗ്രാമീണ സമ്പദ്​വ്യവസ്ഥയുടെ തകർച്ച. ഒാണ വിപണി കേന്ദ്രീകരിച്ചുള്ള കൃഷി, കൈത്തറി, കരകൗശല കുടുംബങ്ങൾ പട്ടിണി വക്കിലാണ്​. വ്യാപാര സ്ഥാപനങ്ങളും ഒാഫീസും അടച്ചതോടെ ചെറുകിട ജോലികൾ ഇല്ലാതായി. ഗതാഗത, മൽസ്യ മേഖലാ തൊഴിലാളികൾ, തെരുവോര കച്ചവടക്കാർ, ബേക്കറി, ഹോട്ടൽ, കുടിൽ വ്യവസായ തൊഴിലാളികളും കടക്കെണിയിലാണ്​. 'ജനങ്ങൾ എത്ര വയറ്​ മുറുക്കി ഉടുത്താലും മുന്നോട്ട്​ പോകാനാവാതെ നിരവധി മനുഷ്യർ സംസ്ഥാനത്ത്​ ഇന്നുണ്ടെന്ന്​ ആസൂത്രണ ബോർഡംഗം കെ.ൻ. ഹരിലാൽ 'മാധ്യമ'ത്തോട്​ പറഞ്ഞു. 'മിക്കവാറും എല്ലാ കുടുംബത്തിനും ഏതെങ്കിലും തരത്തിലുള്ള കടം ഉണ്ട്​. ജോലി സാധ്യത അടഞ്ഞതോടെ ജനങ്ങൾ ബുദ്ധിമുട്ടിലാണ്​. ഒപ്പം അപ്രതീക്ഷിത ചികിൽസാ ചെലവ്​ കൂടി വന്നാൽ ദരിദ്രർ ആത്​മഹത്യയുടെ വക്കിലേക്കാണ്​ എത്തുന്നത്​.' അതിനിടെ മേയ്, ജൂൺ മാസങ്ങളിലെ സാമൂഹ്യ പെൻഷൻ ജൂലൈ അവസാനംമുതൽ വിതരണം ആരംഭിച്ചു. 48.5 ലക്ഷം പേർക്കാണ്​ ലഭിക്കുക. ക്ഷേമനിധി ബോർഡുകളിലെ 10.8 ലക്ഷം പേർക്കും പെൻഷൻ നൽകും. ഇതിന്​ 1300 കോടിയിലധികം രൂപയാണ് ചെലവഴിക്കേണ്ടിവരിക.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story