'നഗരത്തിൽ ഏഴുമുതൽ മുഴുവൻ വ്യാപാരസ്​ഥാപനങ്ങളും തുറന്നുപ്രവർത്തിക്കും'

തിരുവനന്തപുരം: നഗരത്തിൽ കടകൾ തുറന്നുപ്രവർത്തിക്കാൻ അനുവദിക്കാതെ അടച്ചിടുന്നത്​ സർക്കാറിനുതന്നെ നാണക്കേടാണെന്ന്​ കേരള വ്യാപാരി വ്യവസായി ഏകോപനസമിതി പ്രസ്​താവനയിൽ പറഞ്ഞു. പ്രധാന വ്യാപാരകേ​ന്ദ്രങ്ങളായ ചാല ബസാർ, മരക്കട, കിള്ളിപ്പാലം, പവർഹൗസ്​ റോഡ്​, പാളയം വെജിറ്റബിൾ മാർക്കറ്റ്​, എം.ജി റോഡി​ൻെറ ഒരുവശം തുടങ്ങിയ സ്​ഥലങ്ങളൊക്കെ അടഞ്ഞുകിടക്കുന്നു. മാസങ്ങളായി അടഞ്ഞുകിടക്കുന്ന കാരണത്താൽ ഇൗ പ്രദേശത്തെ സംഘടനാ ഭാരവാഹികൾ ജില്ലാ വ്യാപാരഭവനിൽ യോഗം കൂടി ഏഴുമുതൽ തുറന്നുപ്രവർത്തിക്കാൻ തീരുമാനിച്ചു. യോഗത്തിൽ ജില്ലാ ​പ്രസിഡൻറ്​ പെരിങ്ങമ്മല രാമചന്ദ്രൻ അധ്യക്ഷതവഹിച്ചു. ജില്ലാ ട്രഷറർ ധനീഷ്​ ചന്ദ്രൻ, വൈസ്​ പ്രസിഡൻറ്​ കല്ലയം ശ്രീകുമാർ തുടങ്ങിയവർ സംസാരിച്ചു. ജില്ലാ ഭാരവാഹികളായ റഫീക്​ എ.പി.പി, മരക്കട സലിം, സേതുമാധവൻ, രാജഗോപാൽ, വാഹിനി സുധീർ, അബ്​ദുഖാദർ പഴവങ്ങാടി, പാളയം വിജയകുമാർ തുടങ്ങിയവർ പ​െങ്കടുത്തു. കടകൾ അടഞ്ഞുകിടക്കു​േമ്പാൾതന്നെ വ്യാപാരസ്​ഥാപനത്തിന്​ മുന്നിൽ ഒരു തടസ്സവുമില്ലാതെ തട്ടുകടകൾ ഇപ്പോൾ പ്രവർത്തിക്കുന്നുണ്ട്​. ഒാണക്കാലമായ ആഗസ്​റ്റ്​ 10 മുതൽ കേരളത്തിലെ മുഴുവൻ വ്യാപാരസ്​ഥാപനങ്ങളും പൂർണതോതിൽ തുറന്നുപ്രവർത്തിക്കാൻ സർക്കാർ അനുവദിക്കണമെന്ന്​ യോഗം ആവശ്യപ്പെട്ടു.