കണ്ടെയ്​ൻമെൻറ്​​ സോണിൽ കുടിവെള്ളവും സുരക്ഷയുമില്ലാതെ പൊലീസ്​ ഡ്യൂട്ടി

കണ്ടെയ്​ൻമൻെറ്​​ സോണിൽ കുടിവെള്ളവും സുരക്ഷയുമില്ലാതെ പൊലീസ്​ ഡ്യൂട്ടി പൂന്തുറ: കുടിവെള്ളവും ഭക്ഷണവും സുരക്ഷ ഉപകരണങ്ങളും ഇല്ലാതെ ക​െണ്ടയ്മൻെറ്​ സോണുകളില്‍ പൊലീസുകാര്‍ക്ക് ദുരിത ഡ്യൂട്ടി. തുടര്‍ച്ചയായ അമിത ഡ്യൂട്ടി സൃഷ്​ടിക്കുന്ന കടുത്ത മാനസിക സംഘര്‍ഷങ്ങള്‍ക്ക് പുറമെയാണ്​ ഇൗ യാതന. ക​െണ്ടയ്ൻമൻെറ്​ സോണുകളില്‍ തുടര്‍ച്ചയായി അഞ്ച് ദിവസം ഡ്യൂട്ടിയിലുള്ള ഗ്രേഡ് എസ്.ഐമാര്‍ മുതല്‍ സിവിൽ പൊലീസ്​ ഒാഫിസർമാർ വരെയുള്ളവരാണ്​ കുടിവെള്ളംപോലും കിട്ടാതെ വലയുന്നത്​. ആൻറിജന്‍ പരിശോധനക്ക്​ നിരവധിപേര്‍ എത്തുന്ന ആശുപത്രിയില്‍ ഡ്യൂട്ടിയിലുള്ള പൊലീസുകാര്‍ക്കുപോലും ഒരുവിധ സുരക്ഷ സംവിധാനവുമില്ല. പൂന്തുറ ആയുഷ്​ സൻെററില്‍ ജോലിയിലുണ്ടായിരുന്ന പൊലീസുകാരന് കഴിഞ്ഞദിവസം കോവിഡ് സ്ഥിരീകരിച്ചിട്ടും അധികൃതര്‍ക്ക്​ അനക്കമില്ല. ഡ്യൂട്ടി​െക്കത്തുന്ന പൊലീസുകാര്‍ അഞ്ചുദിവസം കഴി​േഞ്ഞ വീടുകളിലേക്ക് മടങ്ങാനാവൂ. ആദ്യദിവസം വീടുകളില്‍നിന്ന്​ കൊണ്ടുവരുന്ന ഭക്ഷണം തീര്‍ന്നാല്‍ കാര്യം കഷ്​ടമാണ്​. ഇടയ്​ക്ക് സന്നദ്ധപ്രവര്‍ത്തകര്‍ കുടിവെള്ളവും ഭക്ഷണവും നല്‍കിയെങ്കിലും അതും നിലച്ചിരിക്കുകയാണ്​. അമ്പത് വയസ്സ്​ കഴിഞ്ഞ പൊലീസുകാരിലധികംപേരും ബി.പി, ഷുഗര്‍ രോഗങ്ങള്‍ ഉള്ളവരാണ്. അഞ്ചുദിവസം തുടരെ ഡ്യൂട്ടി നോക്കേണ്ടിവരുന്നത് കാരണം ഇവര്‍ക്ക് കൃതൃമായി ഉറങ്ങാനോ മരുന്ന്​ കഴിക്കാനോ പോലും കഴിയുന്നില്ല. രാവിലെ എട്ട് മുതല്‍ രാത്രി എട്ടുവരെയും രാത്രി എട്ടുമുതല്‍ രാവിലെ എട്ടുവരെയും രണ്ട്​ ഷിഫ്​റ്റായാണ്​ ഡ്യൂട്ടി. ഷിഫ്റ്റ് ഡ്യൂട്ടി കഴിഞ്ഞ് വീടുകളിലേക്ക് മടങ്ങാന്‍ പാടില്ല. തൊട്ടടുത്ത സ്കൂളുകളിലാണ് താമസസൗകര്യം. പലയിടങ്ങളും മതിയായ അടിസ്ഥാന സൗകര്യങ്ങള്‍ പോലുമില്ല. പോയൻറ്​ ഡ്യൂട്ടിക്ക്​ നിയോഗിക്കുന്നവര്‍ സ്​റ്റേഷനിലേക്ക് വരരുതെന്നും അഞ്ചുദിവസം അതത് സഥലത്ത്​ ഡ്യൂട്ടി എടുത്തശേഷം ആൻറിജന്‍ പരിശോധന നടത്തി വീടുകളിലേക്ക് മടങ്ങണമെന്നുമാണ് നിര്‍ദേശം. ശാരീരിക അസ്വസ്ഥതയുള്ളവര്‍ക്ക് തുടരെ ഉറക്കം നഷ്​ടമാകുന്നത് മാനസിക സംഘര്‍ഷങ്ങള്‍ക്കും കാരണമാകുന്നു. നിർദേശങ്ങൾ മുഖവിലക്കെടുക്കാതെയുള്ള ആളുകളുടെ പെരുമാറ്റം ഇവരുടെ തലവേദന ഇരട്ടിയാക്കുന്നു. കര്‍ശനനിര്‍ദേശം ഉണ്ടായിട്ടുപോലും കഴിഞ്ഞദിവസം തമിഴ്നാട്ടില്‍ നിന്നുള്ള മത്സ്യം ബൈപാസില്‍ എത്തിച്ചു വില്‍പന നടത്തിയവർ വരെയുണ്ട്​.