റബർ ആക്ട് പിൻവലിക്കൽ റദ്ദാക്കണം ^മന്ത്രി സുനിൽകുമാർ

റബർ ആക്ട് പിൻവലിക്കൽ റദ്ദാക്കണം -മന്ത്രി സുനിൽകുമാർ തിരുവനന്തപുരം: 1947ൽ പ്രാബല്യത്തിൽവന്ന റബർ ആക്ട് പിൻവലിക്കാനുള്ള കേന്ദ്ര സർക്കാർ നടപടി റദ്ദാക്കണമെന്ന് മന്ത്രി വി.എസ്. സുനിൽകുമാർ. ഇക്കാര്യം ആവശ്യപ്പെട്ട് കേന്ദ്രമന്ത്രിമാരായ രവിശങ്കർ പ്രസാദിനും പിയൂഷ് ഗോയലിനും കത്തയച്ചു. ആക്ടി​ൻെറ പിൻവലിക്കൽ രാജ്യത്തെ 1.32 ദശലക്ഷം കർഷകരെ ബാധിക്കുന്ന പ്രശ്നമാണ്. അതിൽ 70 ശതമാനം കർഷകരും കേരളത്തിലാണ്. രാജ്യ​െത്ത റബർ വിസ്തൃതിയുടെ 78 ശതമാനവും സ്വാഭാവിക റബർ ഉൽപാദനത്തി​ൻെറ 90 ശതമാനവും കേരളത്തിലാണ്. സ്വാഭാവിക റബറിന് വില കുറഞ്ഞിട്ടുപോലും റബർ കർഷകർ പിടിച്ചുനിൽക്കുന്നത് റബർ പ്രൊഡക്​ഷൻ ഇൻസെൻസിറ്റീവ് പോലുള്ള സംസ്ഥാന സർക്കാറി​ൻെറ വിവിധ ഇടപെടലുകളാണ്. റബർ ആക്ട് എടുത്തുമാറ്റുകയെന്നാൽ ആക്ട് മുഖാന്തരം സ്ഥാപിതമായ റബർ ബോർഡി​ൻെറ വിഘടനമാണ് അക്ഷരാർഥത്തിൽ സംഭവിക്കുന്നത്. മറ്റ് കമ്മോഡിറ്റി ബോർഡുകൾ നിൽക്കവെ റബർ ബോർഡ് വിഘടനം ഒരിക്കലും ന്യായീകരിക്കാനാവുന്നതുമല്ല. ആക്ട് പിൻവലിക്കുന്നതിലൂടെ റബർ മേഖലയെ നിയന്ത്രിക്കുന്നതിനുള്ള അധികാരംകൂടി സർക്കാറുകൾക്ക് നഷ്​ടമാകുകയാണ്.