Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightസൂപ്പർ സ്​െപ്രഡ്:...

സൂപ്പർ സ്​െപ്രഡ്: അതിജാഗ്രത അനിവാര്യം ^ഐ.എം.എ

text_fields
bookmark_border
സൂപ്പർ സ്​െപ്രഡ്: അതിജാഗ്രത അനിവാര്യം -ഐ.എം.എ തിരുവനന്തപുരം: കോവിഡ് സൂപ്പർ സ്​െപ്രഡ് എന്ന തലത്തിൽ എത്തിയെന്ന് ഇന്ത്യൻ മെഡിക്കൽ അസോസിയേഷൻ. തീവ്ര രോഗവ്യാപനത്തോടെ ഒരാളിൽനിന്ന്​ രണ്ടോ മൂന്നോ പേരിലേക്ക് രോഗം വ്യാപിക്കുന്ന അവസ്​ഥയിൽ നിന്നും എട്ടോ പത്തോ പേരിലേക്ക് അതിവേഗത്തിൽ വ്യാപിക്കുന്നതിനെയാണ് സൂപ്പർ സ്​െപ്രഡ് എന്ന് വിലയിരുത്തുന്നത്. ഒപ്പം തീവ്ര രോഗവ്യാപനമുള്ള ക്ലസ്​റ്ററുകളും ഉണ്ടാകും. അതാണ് തലസ്​ഥാന നഗരിയിൽ കാണുന്നത്. ഈ ഘട്ടത്തിൽ ആളുകൾ തമ്മിലെ സാമീപ്യമാണ് രോഗവ്യാപനത്തിൻെറ മുഖ്യ കാരണം. ആളുകൾ കൂട്ടംകൂടുന്ന സാഹചര്യം, ചെറിയ മുറികളിൽ / വീടുകളിൽ കൂടുതൽ പേർ തിങ്ങിവസിക്കുന്ന അവസ്​ഥ, വായുസഞ്ചാരം കുറഞ്ഞ മുറികൾ, പരിസര / ദേഹ ശുചിത്വക്കുറവ് ഇവയെല്ലാം രോഗവ്യാപനം രൂക്ഷമാകാൻ കാരണമാകും. ഈ പ്രദേശങ്ങളിലെ രോഗികളെ എത്രയും പെട്ടെന്ന് കണ്ടെത്തുകയും മാറ്റിപ്പാർപ്പിക്കുകയും വേണം. അതിനായി ടെസ്​റ്റുകളുടെ എണ്ണം കൂട്ടണം. പുതിയ ഐ.സി.എം.ആർ മാർഗനിർദേശപ്രകാരം സ്വകാര്യ മേഖലയിൽ കൂടുതൽ ടെസ്​റ്റ് ചെയ്യാൻ സാധ്യതയുണ്ട്. ഇതിന് സർക്കാർ അനുകൂല നടപടി എടുക്കണം. ക്ലസ്​റ്ററുകളാകാൻ സാധ്യതയുള്ള പ്രദേശങ്ങൾ മുൻകൂട്ടി കണ്ട് രോഗബാധിതരെ കണ്ടെത്തി മാറ്റിപ്പാർപ്പിക്കണം. സഹജീവിസ്​നേഹമുള്ള ഓരോരുത്തരും അവരവരുടെ കർത്തവ്യം നിർവഹിക്കണമെന്നും ഐ.എം.എ അറിയിച്ചു.
Show Full Article
TAGS:
Next Story