സൗത്ത്​ സോൺ സഹോദയ ഫെസ്റ്റിവൽ വ്യാഴാഴ്ച മുതൽ

തിരുവനന്തപുരം: സി.ബി.എസ്​.ഇ സൗത്ത്​ സോൺ ​സഹോദയ കോംപ്ലക്സിന്‍റെ നേതൃത്വത്തിൽ നടക്കുന്ന യുവജനോത്സവം 'സിന്‍റില 22' 25,26,27 തീയതികളിൽ തിരുവല്ലം ക്രൈസ്റ്റ്​ നഗർ സീനിയർ സെക്കൻഡറി സ്കൂളിൽ നടക്കും. 155 ഇനങ്ങളിലായി ആറായിരത്തിലധികം വിദ്യാർഥികൾ പ​ങ്കെടുക്കും. കലോത്സവം സൂര്യാകൃഷ്ണ മൂർത്തി ഉദ്​ഘാടനം ചെയ്യും. റവ.ഫാ. ബിനോ പട്ടർക്കുളം അധ്യക്ഷത വഹിക്കും. കലോത്സവത്തിന്‍റെ രണ്ടാം ദിവസം മന്ത്രി ആന്‍റണി രാജു പ​ങ്കെടുക്കും. 26ന്​ വൈകീട്ട്​ സമാപന സമ്മേളനത്തിൽ സിനിമാതാരം ധന്യ മേരി വർഗീസ്​ മുഖ്യാതിഥിയാകും. 17​ വേദികളിലാണ്​ മത്സരങ്ങൾ നടക്കുന്നത്​.