ചാൻസലർ മാപ്പ്​ പറയണമെന്ന്​ എ.കെ.പി.സി.ടി.എ

തിരുവനന്തപുരം: മികച്ച അക്കാദമിക യോഗ്യതയുള്ള കണ്ണൂർ സർവകലാശാല വൈസ് ​ചാൻസലർ ഗോപിനാഥ്​ രവീന്ദ്രനെ ക്രിമിന​ലെന്ന്​ വിളിച്ച ചാൻസലർകൂടിയായ ഗവർണർ മാപ്പ്​ പറയണമെന്ന്​ ഓൾ കേരള പ്രൈവറ്റ്​ കോളജ്​ ടീച്ചേഴ്​സ്​ അസോസിയേഷൻ. കേരളത്തിലെ സർവകലാശാലകളെ അപമാനിക്കാനും ചളിവാരിയെറിയാനും രാജ്ഭവൻ കേന്ദ്രീകരിച്ച് തുടർച്ചയായി നടക്കുന്ന സംഘ്​പരിവാർ ഗൂഢാലോചനയുടെ ഒടുവിലത്തെ ഉദാഹരണമാണിത്. അധ്യാപക നിയമനത്തിന് കേന്ദ്രസർക്കാർ നടപ്പാക്കിയ യു.ജി.സിയുടെ 2018 റെഗുലേഷൻ അനുസരിച്ചുള്ള വ്യവസ്ഥകളാണ് സംസ്ഥാനത്തെ സർവകലാശാലകളും പാലിക്കുന്നത്​. ഇക്കാര്യം മറച്ചുവെച്ച്​ കേരളത്തിലെ സർവകലാശാല നിയമനങ്ങളെ മുഴുവൻ മാധ്യമങ്ങളിലൂടെ അപഹസിക്കുന്ന ഗവർണറുടെ നീക്കം അപലപനീയമാണെന്നും എ.കെ.പി.സി.ടി.എ സംസ്ഥാന കമ്മിറ്റി വാർത്തകുറിപ്പിൽ പറഞ്ഞു.