കടൽഭിത്തി ബലപ്പെടുത്താതെയുള്ള പാലം നിർമാണത്തിനെതിരെ പ്രതിഷേധിക്കും -ധീവരസഭ

കോവളം: കടൽഭിത്തി ബലപ്പെടുത്താതെ പനത്തുറയിൽ സുബ്രഹ്മണ്യസ്വാമിക്ഷേത്രത്തിനുസമീപം പാലം നിർമാണം ആരംഭിക്കാനുള്ള ശ്രമത്തിനെതിരെ പ്രതിഷേധിക്കുമെന്ന് അഖില കേരള ധീവരസഭ. വിഴിഞ്ഞം തുറമുഖ നിർമാണത്തിൽ ഏറ്റവും കൂടുതൽ തീരശോഷണം സംഭവിക്കുന്ന പനത്തുറക്കര​െയയും ധീവരസമൂഹത്തെയും ഒഴിവാക്കിയുള്ള ചർച്ചകളാണ് ഗവൺമൻെറ് നടത്തുന്നത്. ധീവരസഭയെക്കൂടി ചർച്ചയിൽ ഉൾപ്പെടുത്തണമെന്നും അഖില കേരള ധീവരസഭ സംസ്ഥാന വൈസ് പ്രസിഡന്‍റ്​ പൂന്തുറ ശ്രീകുമാർ, ജില്ല പ്രസിഡന്‍റ്​ പനത്തുറ പി ബൈജു, ജില്ല സെക്രട്ടറി കാലടി സുഗതൻ എന്നിവർ സംയുക്ത പ്രസ്താവനയിൽ ആവശ്യപ്പെട്ടു.