അന്തർസംസ്ഥാന തൊഴിലാളികൾക്കിടയിലെ തർക്കം: ഒരാളെ കൊലപ്പെടുത്തി

കുലശേഖരം: മദ്യലഹരിയിൽ അന്തർസംസ്ഥാന തൊഴിലാളികൾ തമ്മിലുണ്ടായ വാക്കുതർക്കം മർദനത്തിൽ കലാശിച്ച്​ ഒരാൾ മരിച്ചു. ചിത്തിരംകോട്ടിൽ താമസിക്കുന്ന അസം സ്വദേശി ശോംബോ (30) ആണ് മരിച്ചത്​. ഒപ്പം താമസിക്കുകയായിരുന്ന അനിൽ ബർമനെ (21) അറസ്റ്റ് ചെയ്തു. ഇവർ രണ്ടുപേരും ഇന്റർലോക് നിർമാണ യൂനിറ്റിൽ പണിയെടുത്തുവരുകയായിരുന്നു. ഞായറാഴ്ച അവധിയായതിനാൽ മദ്യലഹരിയിൽ ഉണ്ടായ വാക്കുതർക്കമാണ് കൊലപാതകത്തിൽ കലാശിച്ചത്. തിരുവട്ടാർ പൊലീസ് കേസെടുത്തു.