സർക്കാർ ജോലി നേടാൻ പൊലീസ് സഹായവും

ആറ്റിങ്ങൽ: സർക്കാർ സർവിസിൽ കയറാൻ വേണ്ട സഹായവുമായി പൊലീസും. കടയ്ക്കാവൂർ ജനമൈത്രി പൊലീസാണ് പി.എസ്.സി പരിശീലനം നൽകുന്നത്. ഇതിനായി പ്രത്യേകം കോച്ചിങ്​ സൻെറർ ആരംഭിച്ചു. പരിശീലനം പൂർണമായും സൗജന്യമാണ്. പദ്ധതി വി. ശശി എം.എൽ.എ ഉദ്​ഘാടനം ചെയ്തു. ഉദ്യോഗാർഥികൾക്ക് പഠനോപകരണ വിതരണം വർക്കല ഡിവൈ.എസ്.പി പി. നിയാസ് നിർവഹിച്ചു. എസ്.എച്ച്.ഒ വി. അജേഷ് അധ്യക്ഷത വഹിച്ചു. ജനമൈത്രി നോഡൽ ഓഫിസർ ഡിവൈ.എസ്.പി വി.ടി. രാരിത്, കടയ്ക്കാവൂർ ഗ്രാമ പഞ്ചായത്ത് പ്രസിഡൻറ് ഷീല, വാർഡ് മെംബർ ബീന രാജീവ്, എസ്.ഐ എസ്.എസ്. ദീപു, ജയപ്രസാദ്, ശ്രീകുമാർ, സംഗീത എന്നിവർ സംസാരിച്ചു. Twatl police psc കടയ്ക്കാവൂർ ജനമൈത്രി പൊലീസിന്‍റെ പി.എസ്.സി പരിശീലന പദ്ധതി വി. ശശി എം.എൽ.എ ഉദ്​ഘാടനം ചെയ്യുന്നു