റെയിൽവേ ഉപകരണങ്ങൾ മോഷ്ടിച്ച പ്രതിയെ അറസ്റ്റ് ചെയ്തു

നെയ്യാറ്റിൻകര: റെയിൽവേ സ്റ്റേഷനിൽനിന്ന്​ ഉപകരണങ്ങൾ മോഷ്ടിച്ച പ്രതിയെ നെയ്യാറ്റിൻകര പൊലീസ് അറസ്റ്റ് ചെയ്തു. ബൈക്കിലെത്തിയ രണ്ടുപേരാണ് റെയിൽവേ ഉപകരണങ്ങൾ മോഷ്ടിച്ച്​ കടക്കാൻ ശ്രമിച്ചത്. ജീവനക്കാർ പിന്നാലെ ഓടി. ബൈക്കിന്റെ പിന്നിലിരുന്ന പെരുമ്പഴുതൂർ സ്വദേശി മനു ബൈക്കിൽനിന്ന് വീഴുകയായിരുന്നു. തുടർന്ന് ഇയാൾ നെയ്യാറ്റിൻകര ജനറൽ ഹോസ്പിറ്റലിൽ ഓടിക്കയറി. അവിടെവെച്ചു പ്രതിയെ പിടികൂടി പൊലീസിൽ ഏൽപിക്കുകയായിരുന്നു.