ദേശീയപാതയില്‍ ഡിവൈഡറുകള്‍ വീണ്ടും കാടുമൂടി

നേമം: തിരുവനന്തപുരം-കളിയിക്കാവിള . കരമന മുതല്‍ പ്രാവച്ചമ്പലം വരെയുള്ള ഭാഗത്താണ് ഡിവൈഡറുകളില്‍ പാഴ്‌ച്ചെടികള്‍ വളര്‍ന്ന് റോഡിലേക്ക് ഇറക്കിനില്‍ക്കുന്നത്. ഇത് വാഹനയാത്രികര്‍ക്ക് ഉണ്ടാക്കുന്ന ബുദ്ധിമുട്ടുകള്‍ ചില്ലറയല്ല. ദേശീയപാത നിര്‍മാണവുമായി ബന്ധപ്പെട്ടാണ് ഡിവൈഡറുകള്‍ സ്ഥാപിച്ചത്. ഇവിടെ വൃക്ഷത്തൈകള്‍ നട്ടുപിടിപ്പിക്കുകയും ചെയ്തിരുന്നു. ഇത്​ ശരിയായ വിധത്തില്‍ പരിപാലിക്കാത്തതാണ് ഇപ്പോഴത്തെ അവസ്ഥക്ക്​ കാരണം. അതേസമയം പ്രാവച്ചമ്പലം ജങ്​ഷനിലെ ഡിവൈഡര്‍ ശുചീകരണം പേരിലൊതുങ്ങി. ജങ്​ഷനില്‍ നിന്ന് 100 മീറ്ററോളം ഭാഗത്തുമാത്രമാണ് പാഴ്‌ച്ചെടികള്‍ നീക്കംചെയ്യുന്ന പ്രവര്‍ത്തനം നടത്തിയത്. കരമന ജങ്​ഷനില്‍ മുമ്പ് വൃക്ഷത്തൈകള്‍ നട്ടുപിടിപ്പിക്കുന്ന പ്രവര്‍ത്തനം ഉണ്ടായിരുന്നുവെങ്കിലും അതും മുടങ്ങി. ഈ ഭാഗത്തും കാടുകയറിക്കിടക്കുകയാണ്. ശക്തമായി മഴ ഉണ്ടായതോടെയാണ് പാഴ്‌ച്ചെടികള്‍ വളർന്ന്​ റോഡിലേക്ക് ഇറങ്ങിത്തുടങ്ങിയത്. TC NMM NATIONAL HIGH WAY തിരുവനന്തപുരം-കളിയിക്കാവിള ദേശീയപാതയില്‍ പാപ്പനംകോട് ഭാഗത്ത് ഡിവൈഡറുകളില്‍ വളര്‍ന്ന്​ റോഡിലേക്ക് ചരിഞ്ഞുനില്‍ക്കുന്ന ചെടികള്‍