മധു കൊലക്കേസിലെ കൂറുമാറ്റം കേരളത്തിന്​ അപമാനകരം -സുധീരൻ

തിരുവനന്തപുരം: അട്ടപ്പാടി മധു കൊലക്കേസില്‍ സാക്ഷികളുടെ കൂറുമാറ്റം ആദിവാസിക്ഷേമവും സുരക്ഷയും ഉറപ്പുവരുത്താന്‍ ബാധ്യസ്ഥമായ ഭരണകൂടം കാഴ്ചക്കാരായി മാറുന്നെന്ന്​ വ്യക്തമാക്കുന്നതാണെന്ന്​ മുതിർന്ന കോൺഗ്രസ്​ നേതാവ്​ വി.എം. സുധീരൻ. ഈ സാഹചര്യം ജനാധിപത്യ കേരളത്തിന് തീര്‍ത്തും അപമാനകരമാണ്. കുറ്റവാളികളെ രക്ഷിക്കാനുള്ള ഗൂഢസംഘത്തിന്‍റെ പ്രവര്‍ത്തനങ്ങളാണ്​ മൊഴിമാറ്റത്തിനുപിന്നില്‍. ഇനിയെങ്കിലും ഇക്കാര്യത്തില്‍ നേരിട്ട് അടിയന്തരമായി ഇടപെടാനും കൂട്ട കൂറുമാറ്റത്തെക്കുറിച്ച് കൃത്യമായി അന്വേഷണം നടത്താനും മുഖ്യമന്ത്രി തയാറാകണമെന്ന്​ അദ്ദേഹം ആവശ്യപ്പെട്ടു.