ഓർഡിനൻസ് രാജ് അവസാനിപ്പിക്കണം-ചെന്നിത്തല

തിരുവനന്തപുരം: സർക്കാർ ഓർഡിനൻസ് രാജ് അവസാനിപ്പിക്കണമെന്ന് രമേശ് ചെന്നിത്തല. ഇന്ത്യയിൽ ഒരു സംസ്ഥാനത്തും ഇത്രയുമധികം ഓർഡിനൻസ്​ ഇറക്കിയിട്ടില്ല. ഏറ്റവും അടിയന്തര ഘട്ടത്തിൽ മാത്രം ഇറക്കേണ്ടതാണ് ഓർഡിനൻസ്​. എന്നാൽ, കേരളത്തിൽ ഓർഡിനൻസ് രാജാണു നടക്കുന്നത്. 2021ൽ മാത്രം 142 ഓർഡിനൻസ്​ ഇറക്കി. ഈ വർഷം ഇതുവരെ 14 ഓർഡിനൻസ്​ ഇറക്കി. ഇപ്പോൾ 11 ഓർഡിനൻസുകൾ ഇറക്കാനുള്ള തത്രപ്പാടിലാണ്. ഭരണഘടനയുടെ 213ാം വകുപ്പ്​ സർക്കാർ ദുരുപയോഗം ചെയ്യുന്നത് ഒരിക്കലും അംഗീകരിക്കാൻ കഴിയില്ലെന്നും ചെന്നിത്തല പറഞ്ഞു.