ഫെഡറൽ ബാങ്ക് ജീവനക്കാർ ഇന്നു​ പണിമുടക്കും

തിരുവനന്തപുരം: യൂനിയൻ ദേശീയ വൈസ് പ്രസിഡന്‍റ്​ സുമിത് ശ്രീധരൻ നമ്പ്യാരുടെ അന്യായമായ പിരിച്ചുവിടലിനെതിരെ ഫെഡറൽ ബാങ്ക് എംപ്ലോയീസ് യൂനിയൻ (എ.ഐ.ബി.ഇ.എ) ആഹ്വാന പ്രകാരം ജീവനക്കാർ തിങ്കളാഴ്ച രാജ്യവ്യാപകമായി പണിമുടക്കും. ബാങ്ക് മാനേജ്മെന്‍റ്​ സമീപനം അനീതിയും അന്യായവും പ്രതീകാത്മകവുമാണെന്ന്​ ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ അഭിപ്രായപ്പെട്ടു. പണിമുടക്കിന് ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ പിന്തുണ പ്രഖ്യാപിച്ചിട്ടുണ്ട്. പണിമുടക്കിന് ഐക്യദാർഢ്യം നേർന്ന് എ.ഐ.ബി.ഇ.എ ആഭിമുഖ്യത്തിൽ വിവിധ കേന്ദ്രങ്ങളിൽ പ്രകടനം നടത്തും.