കാര്‍ഡിയോ വാസ്‌കുലാര്‍ സാങ്കേതിക വിദഗ്ധരുടെ സംസ്ഥാന സമ്മേളനത്തിന് തുടക്കം

തിരുവനന്തപുരം: കാര്‍ഡിയോ വാസ്‌കുലാര്‍ സാങ്കേതിക വിദഗ്ധരുടെ സംഘടനയായ സൊസൈറ്റി ഓഫ് ഇന്‍വേസിവ് കാര്‍ഡിയോ വാസ്‌കുലാര്‍ പ്രഫഷണല്‍സ് (എസ്.ഐ.സി.പി) കേരള ഘടകത്തിന്‍റെ വാര്‍ഷിക സമ്മേളനം കോവളത്ത്​ ആരംഭിച്ചു. കാര്‍ഡിയോ വാസ്‌കുലാര്‍ ചികിത്സരംഗത്തെ അതിനൂതന ഇമേജിങ്​ സാങ്കേതികവിദ്യകളും കീറിമുറിക്കലുകള്‍ ഇല്ലാത്ത ശസ്ത്രക്രിയ സാങ്കേതികവിദ്യകളും രണ്ടുദിവസത്തെ സമ്മേളനം ചര്‍ച്ച ചെയ്യും. എം. വിൻസെന്‍റ്​ എം.എൽ.എ ഉദ്ഘാടനം ചെയ്തു. എസ്.ഐ.സി.പി പ്രസിഡന്‍റ്​ എസ്. അനിൽകുമാർ, ജോഷി കെ. ജോസഫ്, ഓർഗനൈസിങ് സെക്രട്ടറി രശ്മി മോഹൻ, ജോജോ ഏലിയാസ് ജോൺ, ജിജിൻ നാഥ്, ജിബിൻ തോമസ് തരിയൻ എന്നിവർ സംസാരിച്ചു. സമ്മേളനം ഞായറാഴ്ച സമാപിക്കും.