എ.കെ.ഇ.എസ്.എസ്​.ഐ.എ സമ്മേളനം

തിരുവനന്തപുരം: സി.സി.ടി.വി കാമറ മേഖലയിൽ പ്രവർത്തിക്കുന സ്വകാര്യ സ്ഥാപനങ്ങളുടെ സംഘടനയായ എ.കെ.ഇ.എസ്.എസ്​.ഐ.എയുടെ സംസ്ഥാന സമ്മേളനം ശനിയാഴ്ച ​തമ്പാനൂർ റെയിൽവേ ഓഡിറ്റോറിത്തിൽ നടക്കും. മന്ത്രി ജി.ആർ. അനിൽ ഉദ്​ഘാടനം ചെയ്യും. 30ഓളം കമ്പനികൾ പ​ങ്കെടുക്കുന്ന എക്സ്​പോയും സംഘടിപ്പിക്കും. വീൽചെയർ വിതരണം, കുട്ടികൾക്ക്​ സമ്മാനദാനം എന്നിവയും ഉണ്ടാകുമെന്ന്​ സംസ്ഥാന സെക്രട്ടറി എം. രഞ്ജിത്​ വാർത്തസമ്മേളനത്തിൽ അറിയിച്ചു. മിനി മാരത്തൺ തിരുവനന്തപുരം: ആഗസസ്റ്റ്​​ ഏഴ്​ വരെ ലോക മുലയൂട്ടൽ ആഴ്ചയായി ആചരിക്കുന്നതിന്‍റെ ഭാഗമായി ആറിന്​ തലസ്ഥാനത്ത്​ മിനി മാരത്തൺ സംഘടിപ്പിക്കും. രാവിലെ ആറിന്​ കനകക്കുന്നിന്​ മുന്നിൽ നിന്നാണ്​ മൂന്ന്​ കിലോമീറ്റർ മാരത്തൺ തുടങ്ങുക.​ റെ​ഡ്​ക്രോസ്​ സൊസൈറ്റി, നിയോജൻ കെയർ എന്നിവരുടെ സഹകരണത്തോടെയാണ്​ പരിപാടിയെന്ന്​ സംഘാടകർ വാർത്തസമ്മേളനത്തിൽ അറിയിച്ചു.