കേരള സൈക്കിൾ പോളോ അസോസിയേഷൻ അംഗീകാരം നിലനിർത്തി

തിരുവനന്തപുരം: കേരള സൈക്കിൾ പോളോ അസോസിയേഷന്റെ അംഗീകാരം നിലനിർത്തി സംസ്ഥാന സ്പോർട്സ് കൗൺസിൽ ഉത്തരവിറക്കി. കേരള ഹൈകോടതി ഉത്തരവിന്‍റെയും ജൂലൈയിൽ നടന്ന ഹിയറിങ്ങിന്റെയും അടിസ്ഥാനത്തിലാണ്​ അംഗീകാരം നൽകിയത്​​. 1970ൽ കേണൽ ഗോദവർമ രാജയുടെ നേതൃത്വത്തിൽ രൂപംകൊണ്ട രാജ്യത്തെ ആദ്യത്തെ സൈക്കിൾ പോളോ അസോസിയേഷനാണിത്​. എന്നാൽ അംഗീകാരം സംബന്ധിച്ച്​ പരാതി ഉയർന്നതിനെ തുടർന്നാണ്​ കോടതിയുടെയും സ്​പോർട്​സ്​ കൗൺസിലിന്‍റെയും ഇടപെടലുണ്ടായത്​.