ശ്രീറാമിനെ മാറ്റിയത്​ ഭീരുത്വം -സുരേന്ദ്രൻ

തിരുവനന്തപുരം: ശ്രീറാം വെങ്കിട്ടരാമനെ കലക്ടറായി നിയമിച്ച ശേഷം ഒരു വിഭാഗം ആളുകളുടെ സമ്മർദത്തിനു​ വഴങ്ങി തീരുമാനം പിൻവലിച്ച നടപടി ഭീരുത്വമാണെന്ന്​ ബി.ജെ.പി സംസ്ഥാന പ്രസിഡന്‍റ്​ കെ. സുരേന്ദ്രൻ. സംഘടിത ശക്തികൾക്കുമുന്നിൽ സർക്കാർ മുട്ടുമടക്കിയത് തെറ്റായ സന്ദേശം​ നൽകും. സർവിസിൽ തിരിച്ചെടുത്തയാളെ ജോലി ചെയ്യാൻ അനുവദിക്കില്ലെന്ന് പറയുന്നത് നീതീകരിക്കാനാവില്ല. നട്ടെല്ലിന് ഉറപ്പില്ലാത്തവർ ഇത്തരം തീരുമാനം എടുക്കാൻ പാടില്ലായിരുന്നെന്നും സുരേന്ദ്രൻ ഫേസ്​ബുക്ക്​ പോസ്റ്റിൽ ആരോപിച്ചു.