പനി ബാധിച്ച് വിദ്യാര്‍ഥിനി മരിച്ചു

കുന്നിക്കോട്: പനി ബാധിച്ച വിദ്യാര്‍ഥിനി ആശുപത്രിയിലേക്കുള്ള യാത്രാമധ്യേ മരിച്ചു. മേലില കിഴക്ക് അജിത ഭവനില്‍ അജയകുമാർ - സുരേഖ ദമ്പതികളുടെ മകള്‍ അഞ്ജിത (14) ആണ് മരിച്ചത്. പനിബാധയെ തുടര്‍ന്ന് കഴിഞ്ഞ ദിവസം കുന്നിക്കോട് സ്വകാര്യ ആശുപത്രിയിലെത്തിച്ചിരുന്നു. അവിടെ നിന്ന്​ പുനലൂര്‍ താലൂക്ക് ആശുപത്രിയിലേക്ക്​ കൊണ്ടുപോകും വഴിയായിരുന്നു മരണം. ആവണീശ്വരം എ.പി.പി.എം സ്കൂളിലെ ഒമ്പതാം ക്ലാസ് വിദ്യാര്‍ഥിനിയാണ്. കാലിന്​ പരിക്ക്​ പറ്റിയതിനാൽ രണ്ടാഴ്ചയായി വീട്ടിൽ വിശ്രമത്തിലായിരിക്കെയാണ്​ പനി ബാധിച്ചത്. മൃതദേഹം പുനലൂര്‍ താലൂക്ക് ആശുപത്രിയില്‍ പോസ്റ്റ്​മോര്‍ട്ടം നടത്തി. സഹോദരങ്ങൾ: ആരവ്, അവന്തിക. അഞ്ജിത