തൊണ്ടിമുതൽ മോഷ്ടിച്ച കേസ്​; പ്രതി പൊലീസ്​ കസ്റ്റഡിയിൽ

തിരുവനന്തപുരം: ആർ.ഡി.ഒ കോടതിയിൽ സൂക്ഷിച്ച തൊണ്ടിമുതൽ മോഷ്ടിച്ച കേസിൽ മുൻ സീനിയർ സൂപ്രണ്ട്‌ പൊലീസ്‌ കസ്റ്റഡിയിൽ. ആറ്‌ ദിവസത്തേക്കാണ്‌ തിരുവനന്തപുരം ജുഡീഷ്യൽ ഫസ്റ്റ്ക്ലാസ്‌ മജിസ്ട്രേറ്റ്‌ കോടതി പ്രതി ശ്രീകണ്ഠൻ നായരെ പൊലീസ്‌ കസ്റ്റഡിയിൽ വിട്ടത്‌. കസ്റ്റഡിയിൽ ലഭിച്ചതിനെ തുടർന്ന്‌ കേസ്‌ അന്വേഷിക്കുന്ന പേരൂർക്കട സി.ഐ ആസാദ്‌ അബ്ദുൽ കലാമിന്‍റെ നേതൃത്വത്തിൽ പ്രതിയുമായി തെളിവെടുപ്പ്‌ നടത്തി. കുടപ്പനക്കുന്നിലെ പണമിടപാട്‌ സ്ഥാപനത്തിലായിരുന്നു തെളിവെടുപ്പിനെത്തിച്ചത്‌. വരും ദിവസങ്ങളിലും തെളിവെടുപ്പും ചോദ്യംചെയ്യലും തുടരും. 28ന്‌ വൈകീട്ട്‌ അഞ്ച്‌ വരെയാണ്‌ കസ്റ്റഡി അനുവദിച്ചിരിക്കുന്നത്‌. പ്രോസിക്യൂഷന്‌ വേണ്ടി അസി. പബ്ലിക്‌ പ്രോസിക്യൂട്ടർ നാഗേശ്വരി ഹാജരായി.