അവയവ മാറ്റ ശസ്ത്രക്രിയ: രോഗി മരിച്ച സംഭവത്തിൽ കുറ്റക്കാരെ മാതൃകാപരമായി ശിക്ഷിക്കണമെന്ന്​

തിരുവനന്തപുരം: തിരുവനന്തപുരം മെഡിക്കൽ കോളജിൽ അവയവമാറ്റ ശസ്ത്രക്രിയക്ക് വിധേയമായ രോഗി മരിച്ച സംഭവത്തിൽ കുറ്റക്കാരായ ഉദ്യോഗസ്ഥരെ മാതൃകാപരമായി ശിക്ഷിക്കണമെന്ന് വെൽ​െഫയർ പാർട്ടി ജില്ല പ്രസിഡന്റ് എൻ.എം. അൻസാരി. ഇത്തരത്തിൽ പല വീഴ്ചകളും തിരുവനന്തപുരം മെഡിക്കൽ കോളജ് ആശുപത്രിയിൽ മുമ്പും നടന്നിട്ടുണ്ട്. അത്തരക്കാർക്കെതിരെയൊന്നും നടപടിയെടുക്കാത്തതിനാലാണ് ഇത് ആവർത്തിക്കുന്നത്. അതിനാൽ ഇത്തരം കേസുകളിൽ അലംഭാവം കാണിച്ചവരെ മാതൃകാപരമായിത്തന്നെ ശിക്ഷിക്കേണ്ടതുണ്ടെന്നും അദ്ദേഹം കൂട്ടിച്ചേർത്തു.