ലോക കേരള സഭ നടത്തിപ്പിൽ സർക്കാറിനെ പ്രശംസിച്ച്​ കെ.എം.സി.സി നേതാവ്​

തിരുവനന്തപുരം: ലോക കേരള സഭ സംഘാടനത്തെ പ്രശംസിച്ച്​ മുസ്​ലിം ലീഗ്​ അനുകൂല പ്രവാസി സംഘടനയായ കെ.എം.സി.സിയുടെ നേതാവ്. മുസ്​ലിം ലീഗ്​ സംസ്ഥാന, ദേശീയ പ്രവർത്തക സമിതികളിൽ അംഗമായ കെ.പി. മുഹമ്മദ്​ കുട്ടിയാണ് പ്രതിപക്ഷത്തി‍ൻെറ ബഹിഷ്​കരണത്തിനിടെ ലോക കേരള സഭയെ രൂപപ്പെടുത്തിയെടുത്തതിൽ സർക്കാറിനെ പ്രശംസിച്ചത്​. പാർട്ടി പിന്തുണയും അനുമതിയും ലഭിച്ചതുകൊണ്ടാണ്​ സഭയിൽ ഇത്തവണ പ​ങ്കെടുക്കാനായതെന്നും അദ്ദേഹം പറഞ്ഞു​. സഭ സമ്മേളനം രണ്ട്​ വർഷത്തിലൊരിക്കൽ എന്നതിന്​ പകരം ആറ്​ മാസത്തിലൊരിക്കൽ കൂടണം. വരുംവർഷങ്ങളിൽ എം.എ. യൂസുഫലി മുൻകൈയെടുത്ത്​ മുഴുവൻ പാർട്ടി പ്രതിനിധികളെയും സമ്മേളനത്തിൽ പ​ങ്കെടുപ്പിക്കണമെന്നും അദ്ദേഹം അഭിപ്രായപ്പെട്ടു.