അന്താരാഷ്ട്ര ഗാർഹിക തൊഴിലാളി ദിനമാചരിച്ചു

തിരുവനന്തപുരം: ഗാർഹിക തൊഴിലാളികൾക്ക് കേന്ദ്ര-സംസ്ഥാന സർക്കാറുകൾ സമഗ്രമായ നിയമ നിർമാണം നടപ്പാക്കുക, സാമൂഹിക സുരക്ഷ പദ്ധതികൾ നടപ്പാക്കുക എന്നീ മുദ്രാവാക്യവുമായി സേവ യൂനിയന്‍റെ നേതൃത്വത്തിൽ അന്താരാഷ്ട്ര ഗാർഹിക തൊഴിലാളി ദിനം ആചരിച്ചു. സമ്മേളനം എൻ.കെ. പ്രേമചന്ദ്രൻ എം.പി ഉദ്ഘാടനം ചെയ്തു. യൂനിയൻ പ്രസിഡന്‍റ്​ എസ്. സരോജം അധ്യക്ഷതവഹിച്ചു. ജനറൽ സെക്രട്ടറി സോണിയ ജോർജ്, സംസ്ഥാന കമ്മിറ്റി അംഗം സീറ്റാദാസൻ, ഷീനാ ബഷീർ എന്നിവർ സംസാരിച്ചു. അന്താരാഷ്ട്ര ഗാർഹിക തൊഴിലാളി ദിനത്തോടനുബന്ധിച്ച് സേവ യൂനിയൻ കേരളമെമ്പാടും വിവിധ പരിപാടികൾ സംഘടിപ്പിച്ചു.