ഇരട്ട മധുരവുമായി ഇരട്ട സഹോദരിമാർ

കിളിമാനൂർ: എസ്.എസ്.എൽ.സി ഫലം പുറത്തുവന്നപ്പോൾ ഊമൺപള്ളിക്കര ഗോകുലത്തിൽ ഇരട്ടി മധുരം. ഇരട്ട സഹോദരിമാർക്ക് മുഴുവൻ വിഷയങ്ങളിലും എ പ്ലസ് ലഭിച്ചു. കിളിമാനൂർ ആർ.ആർ.വി ഗേൾസ് ഹയർ സെക്കൻഡറി സ്കൂളിലെ വിദ്യാർഥിനികളായ, കിളിമാനൂർ ഊമൺപള്ളിക്കര ഗോകുലത്തിൽ സുധീഷ്-ദീപ്തി ദമ്പതികളുടെ മക്കളായ കൃപാ സുധീഷ്, കൃഷ്ണ സുധീഷ് എന്നിവരാണ് എല്ലാ വിഷയത്തിനും എ പ്ലസ് വാങ്ങി സ്കൂളിനും നാടിനും അഭിമാനമായത്.