കിളിമാനൂരിൽ വാഹനാപകടം: ഒരാൾ മരിച്ചു; മൂന്നുപേർക്ക് ഗുരുതര പരിക്ക്

കിളിമാനൂർ: സംസ്ഥാനപാതയിൽ കിളിമാനൂരിന് സമീപം ഇരട്ടച്ചിറയിൽ വാഹനാപകടത്തിൽ ഒരാൾ മരിച്ചു. മൂന്നുപേർക്ക് ഗുരുതര പരിക്ക്. തിരുവനന്തപുരം കുളത്തൂർ സ്വദേശി യദു(21)വാണ് മരിച്ചത്. പരിക്കേറ്റ കുളത്തൂർ സ്വദേശികളായ ലിബിൻ, അനന്തു, ജിതിൻ എന്നിവരെ ആശുപത്രിയിൽ പ്രവേശിപ്പിച്ചു. വൈകിട്ട്​ ആറുമണിയോടെയായിരുന്നു അപകടം. തിരുവനന്തപുരം ഭാഗത്തുനിന്ന് കിളിമാനൂരിലേക്ക് അമിതവേഗത്തിൽ വന്ന കാർ എതിർവശത്തുകൂടി വന്ന ടിപ്പർ ലോറിയിലും സമീപത്തെ മരങ്ങളിലും ഇടിച്ച്​ തിരുവനന്തപുരം ഭാഗത്തേക്കുവന്ന കാറിലേക്ക് മറിയുകയായിരുന്നു. കാറി‍ൻെറ പിൻസീറ്റിലിരുന്നവർ തെറിച്ച് റോഡിലേക്ക് വീണു. മുൻ സീറ്റിലിരുന്നവരെ വാഹനം വെട്ടിപ്പൊളിച്ചാണ് പുറത്തെടുത്തത്. വെഞ്ഞാറമൂട് ഫയർഫോഴ്സ് സ്റ്റേഷൻ ഓഫിസർ എ.ടി ജോർജിന്‍റെ നേതൃത്വത്തിൽ നാട്ടുകാരും കിളിമാനൂർ പൊലീസും രക്ഷാപ്രവർത്തനത്തിന് നേതൃത്വം നൽകി.